Espectacular sempre o ambienta no vía crucis de Bares que é a Mikaela de Buño A queima da Mikaela-Foto-Patri Barrientos

Fermoso é o final do Entroido por Bergantiños. A tradición dos Enterros de Entroidos na Costa da Morte, e especial na comarca bergantiñá, é fantástica. E entre todos eses nomes de persoeiros singulares, destaca a Mikaela de Buño, esa festa á que acode toda a mocidade da comarca, sen exclusión.

Espectacular estaba este ano a exuberante figura subida no seu remolque habitual para facer ese via crucis de bares que forma a festa da capital oleira. Xa dende primeira hora da tarde os cubatas son os protagonistas, para ver á protagonista e ao bus da troula. A Mikaela engalanada coma sempre, iso si, cun lazo rosa no peito para apoiar a loita contra o cancro de mama.

Foi David Perdomo, o humorista herculino, o que fixo o sepelio antes da queima, e de abrir a conta atrás para a festa das festas do inverno para a mocidade bergantiñán.

A Mikaela dende o bus-Foto-Jose souto  

Faustino e Farruco

Máis tradicional é a cita de Seaia e a capital municipal cos xa amigos o Faustino e o Farruco, que unen os seus cadaleitos para despedir este entroido a ritmo de charanga. A nota negativa foi o mal tempo, que impediu que a queima no porto fose tan multitudinaria como outros anos.

https://www.facebook.com/concellodemalpica/videos/1347180431972062/  

E tradición pura en Cerqueda

Madamitos e Ghuadineros de Cerqueda

E se falamos de tradición, temos que irmos ata Cerqueda, onde os Madamitos e Ghuadineros demostran que o entroido é un mundo interxeracional. A parroquia demostra a unión entre os maiores, a cultura e a mocidade.

Madamitos e Ghuadineros de Cerqueda  

O Caietano de Laxe

Sepelio do Caietano de Laxe

Fermosa é a historia do Don Caietano, este persoeiro recuperado en Laxe dende 2009. Se o pasado venres, o "borrachín do pueblo" conseguía ser nomeado alcalde a base de untar de viño aos conveciños, ao longo da semana non resistía a presión e finaba. Así, este pasado venres tiña lugar o singular sepelio, a ritmo de batucada, para dar un peche da fin de festa coa tradicional queima na praia.

https://www.facebook.com/quepasanacosta/videos/10154944476807177/ Charanga mortal para despedir o Caietano  

Novas relacionadas

• 2016: A Mikaela, o Cayetano, o Facundo, o Percebe, a Sardiña e o Polbo, os protagonistas do peche do Entroido na Costa da Morte.
• A tradición dos Enterros de Entroidos na Costa da Morte.
• 2015: A Mikaela de Buño, a raíña do Entroido da Costa da Morte.
• 2015: O Fisterra recuperou o Enterro do Polbo cun completo funeral.
• 2015: O pobo de Corcubión e Muxía recuperaron os seus Enterros.
• 2015: O Caietano protagonizou un entroido reivindicativo no mar de Laxe.
• 2013: Muros pechou o Entroido cun fúnebro Entroido de Don Facundo.
• 2012: A Mikaela peregrinou por todas as tabernas de Buño.
• 2011: A Mikaela, un Vía Crucis de bares.
• A historia do Don Caietano.
• Cerqueda recupera o seu patrimonio coa gravación dunha Polafía.

Fonte

• Redacción de QPC ([email protected]).