Continúa a loita contra os recortes no ensino nestas primeiras semanas do primeiro Curso coa LOMCE en marcha. Xa amosaban a súa preocupación hai unhas semanas, e hoxe, a ANPA Cabo da Area do CPI laxense presentará unha solicitude para convocar un Consellor escolar urxente.

Un Consello que debatirá o texto que vén de preparar a ANPA e que rexeita a política de recortes que ven a sufrir este centro e para exixir á Xefatura Territorial de A Coruña da Consellería de Cultura, Educación e Ordenación Universitaria, esixindo ademais que cubra as prazas de persoal docente e de apoio que, xa iniciado o curso, están por cubrir. Así nolo contan a Secretaria da ANPA, Carmen Charlín Suena, e a Presidenta, Diana Toja Lema.

Incide o texto en que "as consecuencias recaen sobre o alumnado, debido a que se reduce o profesorado, a que se abandona a atención á diversidade, se descoida a atención ás necesidades educativas especiais e ao incremento da ratio do alumnado”.

E son varias as prazas que consideran necesirias polo que esixen que se cubran as prazas de Orientador/a a a tempo completo, “xa que é unha peza clave para detectar a tempo calquera problemática educativa ou persoal do alumnado, pero non só iso, tamén leva a cabo tarefas de asesoramento ao profesorado, ás familias e a totalidade do alumnado”.
Esixen tamén unha praza de Mestre/a titor/a para o curso de 4º de educación primaria, xa que este curso froi desdobrado polas especiales necesidades que presenta (alumnado estranxeiro, alumnado con diversidade funcional, alumnado en situación de exclusión social, etc.), que xunto coa elevada ratio (27 nenos e nenas), fai que acadar os obxectivos pedagóxicos estipulados pola lexislación educativa "vixente" sexa imposible.
Necesita tamén o centro un mestre ou mestra de pedagoxía terapéutica, e un mestre ou mestra de audición e linguaxe, debido a unha discapacidade severa, xa despois de dous anos de espera.

Máis novas sobre a loita contra a LOMCE

• O CPI Cabo da Area tamén protesta os recortes mentres na Ponte critican o seu parche.
• O IES Pedra da Aguia critica o recorte de mestres no comezo do primeiro curso LOMCE.
• Parches en 16 centros educativos da bisbarra.
• A Xunta anuncia que manterá aberta a Escola de Carnés.
• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Costa da Morte móllase polo ensino público.
• 09-05-13: A comunidade educativa para ao completo contra a LOMCE.

Fonte

• Redacción de QPC ([email protected]).