Este ano hai unha mostra de teatro composta por 4 propostas orientadas a público familiar na que serán protagonistas as compañías de teatro de FANTOCHES BAJ, GHAZAFELHOS, PÍSCORE e TALÍA TEATRO, cos espectáculos que aparecen recollidos no cartaz do programa que vos enviamos en adxunto.

 

As obras terán lugar os vindeiros domingos do mes de outubro e 1 de novembro ás 19.00 horas no Salón de Actos Culturais, situado no edificio da Biblioteca Municipal Antón Zapata.

 

Por protocolo de prevención da COVID-19, a capacidade da sala verase  reducida ata as 35 persoas. A entrada ó espectáculo será de balde e irase accedendo por orde de chegada seguindo todas as recomendacións e medidas das autoridades sanitarias ó respecto. Dende o concello pregamos puntualidade pois a entrada só se permitirá 10 minutos antes do comezo do espectáculo.

 

Este domingo, FANTOCHES BAJ achega o espectáculo de monicreques e narración oral: RODARIRRODARI, Contos de tranví. Rodarirrodari  é un espectáculo de narración oral e monicreques con acompañamento musical, no que empregan a tradición dos contos de Gianni Rodari, e os monicreques para chegar ó uso ou abuso das novas tecnoloxías. O tranvía de Marín, baseándose, na descrición humorística que fixo Castelao, serviralles como medio de transporte do espectáculo. O tema da xogo para introducir cancións tradicionais. O narrador Inacio Vilariño, xogará coas onomatopeas producidas polo funcionamento das máquinas. Finalmente péchase o circulo coas novas tecnoloxías e como mal usadas acabarán converténdoos en burros.