Xa temos coñecido como nacía o Centro de de Actividades Extraescolares Colaxe na vila bergantiñá. Un centro que non para de desenvolver novas accións, e ademais do completo verán cheo de cativos, este inverno chega con novos cursos acreditados pola Xunta do que logo falamos.

Temos estado tamén en Corcubión e no Couto, con esa mocidade que se pon a formar como forma de emprendemento. Hoxe toca ir ata Muros, onde un par de amantes do fútbol da Costa aparcan o balón para crear o seu centro de formación.

Elite, formando en Muros

Elite é o nome que escolleron Brais Sendón e Martín Nieto para o seu Centro de Ensinanza en Muros. Hoxe precisamente abren as portas traballando para mellorar e solucionar as principais carencias que se detectan na ensinanza desde infantil ata secundaria. Con grupos reducidos, traballarán as técnicas de estudo, habilidades lingüísticas e demais problemas da educación infantil, Primaria e Secundaria.

Loubamos estes novos proxectos emprendedores que conseguen fixar poboación na nosa Costa da Morte.

Curso en Laxe

Colaxe ten aberto dende o 10 ata o 25 de setembro o prazo de matriculación para o curso acreditado pola Consellería de Traballo e Benestar para a obtención do Certificado de Profesionalidade en Atención a persoas dependentes en domicilios.

I é que a partir do 2015 se queres traballar no area sociosanitaria en domicilios necesitas obter o certificado. O curso empezará o 1 de outubro polas tardes e xa podes informate e inscribirte en colaxe.es ou no 679 76 14 66.

Máis información

• www.colaxe.es:
• www.facebook.com/colaxecentro.

Novas relacionadas

• Nace Colaxe, un novo espazo educativo para o pequenos de Bergantiños.
• A mocidade que forma en Corcubión e no Couto.
• Formando o futuro da Costa: De proxectos culturais e educativos.
• Do enorme traballo de canteira dende O Couto.

Fonte

• Redacción de QPC ([email protected]).