Martes. 17.09.2019
El tiempo

O PSOE volve denunciar a discriminación da Xunta cos concellos socialistas na execución de sendas peonís

Imaxe da inauguración da senda peonil de Cabana, concello con goberno popular
Imaxe da inauguración da senda peonil de Cabana, concello con goberno popular
O PSOE volve denunciar a discriminación da Xunta cos concellos socialistas na execución de sendas peonís
O PSOE volve denunciar a discriminación da Xunta cos concellos socialistas na creació de sendas peonís

Segue a Xunta anunciando a construción de novas sendas peonís e ciclistas na comarca de Bergantiños (que non nas de Soneira e Fisterra). A última entre Carballo e Coristanco. Xa denunciara o PSOE, con cifras, a clara discriminación da Xunta nos investimentos en sendas peonís aos concellos non populares, e volve facelo en relación a execución das obras proxectadas.

A parlamentaria socialista Loli Toja presentou unha pregunta oral polo incumprimento dos compromisos en Laxe (con goberno socialisrta aata e Ponteceso mentres “cumpren escrupulosamente cos compromisos” en concellos como os de Malpica, Cabana e Laracha.

A parlamentaria da Costa da Morte apuntou que entre 2016 e 2018 o Executivo autonómico investiu 2,2 millóns en A Laracha, 563.000 euros en Cabana, 534.339 na senda Xornes – Buño – Canta La Rana –Malpica-, e 1,2 millóns en Carballo. Sen embargo, o concello de Laxe leva agardando dende 2015 pola execución das sendas peonís Castrelo – Arrueiro, Conlle e Cabo de Area, pero o goberno galego non investiu un só euro.

No caso de Ponteceso sinalou a necesidade urxente de investimentos nas sendas de Tella, O Couto, Pazos de Arriba, Corme Aldea, A Bugalleira – Pazos, e Xornes. Advertiu que “en tódolos casos trátase de promover a mobilidade das parroquias veciñas, porque son núcleos rurais illados, e de dotar de seguridade viaria ás estradas que transcorren por elas”, e evidencia o “abandono” á veciñanza destes concellos.

Novas relacionadas

Comentarios