Último día hoxe martes 22 de novembro para apuntarse na programación da iniciativa Laxe Mellórate, accións de dinamización do tecido económico municipal, comeza a formación en competencias dixitais ofimáticas nivel básico e avanzado, dirixidas prioritariamente a persoas desempregadas en busca activa de Emprego e subvencionadas pola Deputación da Coruña.

Esta formación impartirase de luns a venres, en horario de mañá de 09:30 a 13:30 horas para o curso de competencias dixitais ofimáticas nivel usuario e en horario de tarde de 16:00 a 20:00 horas para o curso de competencias dixitais nivel avanzado.

A duración de cada curso é de 80 horas, comezando o 23 de novembro ata o 22 de decembro, e o número de prazas dispoñibles é de 12 para cada un deles.

Un dos obxectivos desta formación é que as persoas participantes poidan presentarse nas próximas convocatorias das probas para a obtención da certificación Galega de Competencias Dixitais en Ofimática.

Ademais, avanzamos que para finais do mes de decembro realizarase un curso de manipulación de alimentos.

• Arrincan os seminarios de #LaxeMellórate.
• Un novo curso en Laxe para atención sociosanitaria a persoas dependentes .
• #LaxeMellórate con seminarios innovadores

• Redacción QPC ([email protected])