Boas novas para as familias máis desfavorecidas de Malpica i é que a fame non atende a vacacións. O convenio entre o Concello malpicán e a Fundación Amigos de Galicia beneficia a vinte familias do municipio e permitirá que o banco de alimentos estea aberto durante o mes de agosto, abrindo así todo o ano.

Estas 20 familias reciben todos os meses produtos básicos, tanto non perecedeiros coma frescos. Nesta ocasión, os lotes incluíron leitugas, repolos e sandías, entre outras verduras, hortalizas e froitas de tempada.
Este mes o labor do banco foi máis aló, xa que tamén foi posible entregar unha cociña de butano a unha familia monoparental, cunha filla a cargo, que é usuaria do servizo. Dadas as necesidades das vinte familias malpicás que acuden todos os meses ao banco de alimentos, este ano non se suspenderá o reparto no mes de agosto, como se facía ata agora.

Novas relacionadas

• 20 familias sen recursos de Malpica xa reciben axuda da Fundación de amigos de Galicia.
• 20 familias de Malpica reciben axuda en forma de alimentos.
• A pesca que non se comercializa, do mar de Camariñas ás familias necesitadas.
• En marcha a Plataforma Stop Desafiuzamentos Costa da Morte.

Fonte

• Redacción de QPC ([email protected]).