A Romaría de Santo Hadrián celebra o 10º aniversario da súa declaración coma Festa de Interese Turístico de Galicia
17:55 09/06/18
Alcalde e Teniente de alcalde de Malpica na Festur
10 anos dende que a Romaría do Santo Hadrián era declarada de Interese Turístico Galego. E O Concello de Malpica quere reforzar a súa presencia, a súa forza apostando pola difusión dos aspectos máis tradicionais da popular e
concorrida celebración. A Romaría, que terá lugar o vindeiro domingo 17 de xuño, terá un forte contido audiovisual para a súa promoción con, ademais da cartelería, un tríptico, que se reparte nos centros educativos e en Festur, que recolle os principais aspectos da festa, así coma un código QR a través do cal se accede directamente ao primeiro vídeo promocional da romaría.
Precisamente, o Concello de Malpica está promocionando a Romaría de Santo Hadrián e a Mostra da Olería de Buño en Festur, a Feira de Festas de Interese Turístico de Galicia, que se celebra dende onte ata o domingo en Silleda, no marco da 41ª Feira Internacional Abanca Semana Verde de Galicia.
