Vai para dous meses dende que o Concello de Malpica tivo que pechar o consumo da auga municipal por problemas con trihalometanos. 61 días despois o Concello dá con zanxada a crise da auga sendo hoxe mesmo o último día de reparto nas zonas que aínda quedaban afectadas: “A agua xa é apta para o consumo humano en todo o Concello de Malpica”, informan nun bando.

As analíticas veñen de confirmar a ausencia de trihalometanos, nos depósitos de Monteneme e Nariga, polo que a auga rede municipal xa é apta nos lugares de Leiloio e Cambre (Brión, Cambre, Empalme, Feira Nova, Pedrosa, Trémoa, Piñeiro, Rabuceiras, Vilar, O Castro, Choupana, Oratorio e Pernes) así como nos de Barizo e Mens.

A oposición pide transparencia

A propósito do asunto, esta semana o PSOE pedía, emitindo un folleto informativo, un pleno extraordinario para pedir “transparencia e claridade” ante a crise da auga:

NOVAS RELACIONADAS

• 02-09-22: Malpica abre o segundo depósito e cobre o 80% da poboación:
• 25-08-22: Malpica abre un dos 4 depósitos tras case dúas semanas sen auga.
• 15-08-22: Malpica comeza a facer reparto de auga polas parroquias ante os problemas ca traída.
• 09-08-22: Seca: Augas confirma que queda un verán complicado na conca do Anllóns.