Xa coa cabeza posta nas diversas Festas do Mar, Malpica celebra esta fin de semana unha das máis completas do ano, coa XII Feira Mariñeira de Malpica e a XVI Festa Galega.

A XII Feira Mariñeira

Do 14 ao 17 de agosto, Malpica acolle un completo programa de música, contacontos, espectáculos de lume, pasarrúas e actividades pensadas para todas as idades, no corazón da Costa da Morte. 

A rúa Eduardo Vila Fano e o seu mercado mariñeiro serán o epicentro desta viaxe no tempo, onde artesanía, gastronomía e xogos tradicionais acompañarán aos visitantes nun percorrido cheo de cor, música e historias de mares afastados. Entre as propostas máis destacadas, figuran obradoiros de esgrima para pequenos corsarios, pasarrúas con personaxes cheos de vida, actuacións musicais que farán bailar ata ás gaivotas e impactantes espectáculos de lume para pechar cada noite.

O programa arranca o xoves 14 co pregón musical de Piratas de Turdión e o Pescador de Soños, ademais de contos corsarios e melodías piratas ao caer a tarde. O venres 15 e o sábado 16 estarán marcados pola animación de rúa, obradoiros e as esperadas exhibicións de lume, mentres que o domingo 17 despedirá a feira con actividades familiares como pintacaras, tattoos e música en directo.

O mercado manterá o seu horario habitual de 11:00 a 15:00 e de 18:00 a 23:00, cunha ampla oferta para gozar de mañá e tarde.

Xoves 14

• 11:30 – Apertura do mercado
• 18:00 – Piratas de Turdión e o Pescador de Soños
• 19:00 – Contos corsarios
• 20:00 – Melodías piratas
• 22:00 – Sons de Turdión

Venres 15

• 12:00 – Pasarrúas piratas e Capitán sen barco
• 14:00 – Melodías piratas
• 18:00 – Piratas de Turdión e o Pescador de Soños
• 20:00 – Melodías piratas e mariñeiro zancudo
• 22:00 – Espectáculo de lume

Sábado 16

• 12:00 – Pasarrúas piratas
• 19:00 – Obradoiro de esgrima (6-11 anos)
• 20:00 – Melodías piratas e mariñeiro zancudo
• 22:00 – Espectáculo de lume

Domingo 17

• 14:00 – A bordo cos piratas
• 18:00 – Sons de Turdión
• 18:30 – Pintacaras e tattoos
• 20:00 – Melodías corsarias
• 21:30 – Piratas de Turdión

AXVI Festa Galega os días 15 e 16 de agosto de 2025

O porto de Malpica de Bergantiños, na zona do Travelift, converterase de novo no epicentro da música e tradicións de Galicia coa celebración da XVI Festa Galega, unha cita que cada verán reúne a artistas, agrupacións e amantes da cultura popular.

O evento desenvolverase durante dúas xornadas, o venres 15 e o sábado 16 de agosto, con actuacións de balde que combinarán música tradicional, cantareiras entre outras propostas, con grandes nomes da música galega sobre o escenario do porto.

Venres 15 de agosto

• 21:30 h – Cantareiras ACD Carcaxía
• 22:00 h – Cantareiras AC Malante
• 22:30 h – Xabier Díaz & Adufeiras do Salitre
• 00:15 h – Alana

Sábado 16 de agosto

• 22:00 h – Cantareiras AC Raigañas
• 22:30 h – Do Rivés
• 23:00 h – Mercedes Peón co espectáculo Ingrávida
• 00:15 h – Tanto Nos Ten

Máis novas