Malpica lanza unha campaña de promoción da romaría do santo Hadrián

08:10 09/06/16

Unha Festa de Interese Turístico como a do Santo Hadrían de Malpica é merecedora da campaña da potente campaña de difusión da romería que vén de poñer en marcha a concellería de Promoción Económica do concello de Malpica coa colaboración de Turismo de Galicia, a Xunta de Galicia e Abanca. A presentación da campaña tivo lugar onte pola mañá na propia ermida, que se converterá o vindeiro domingo 19 no punto de encontro de milleiros de persoas;motivo polo cal a propia organización puxo en marcha un dispositivo especial de seguridade. O alcalde, Eduardo Parga; a concelleira de Promoción Económica, Pilar Doldán, e o de Seguridade, Miguel Fernández, presentaron o cartel anunciador da romaría e os panos de romeiro que se distribuirán nos vindeiros días. A campaña inclúe tamén accións publicitarias en prensa escrita, radio e Internet, tanto en medios de comunicación dixitais coma nas redes sociais do concello de Malpica.

O alcalde e os concelleiros de Promocion Economica e de Seguridade de Malpica presentaron onte o cartel da romaria do Santo Hadrian

O alcalde e os concelleiros de Promoción Económica e de Seguridade de Malpica presentaron onte o cartel da romaría do Santo Hadrián Os obxectivos son a promoción da romaría do Santo Hadrián máis alá do ámbito local, a identificación dos veciños e veciñas do concello malpicán cun dos símbolos da herdanza cultural, contribuíndo deste xeito á preservación do patrimonio inmaterial e á súa posta en valor tanto dentro coma fóra do municipio de Malpica de Bergantiños, e a consolidación do concello como un dos principais destinos turísticos da comarca de Bergantiños e mesmo da Costa da Morte. Precisamente esa fin de semana, ademais das verbenas e doutras actividades organizadas pola comisión de festas, o Real Club Náutico da Coruña celebra unha nova edición da Regata Illas Sisargas. O sábado os cruceiros sairán da Coruña ás 14:30 horas e chegarán a Malpica arredor das 19 horas. A continuación procederase á entrega de premios no palco. O domingo ás 12 as embarcacións iniciarán a travesía de regreso. Festur Por outra banda, a romaría de Santo Hadrián e Mostra da Olería de Buño estarán presentes esta fin de semana en Festur - Feira de Feira de Festas de Interese Turístico de Galicia -que se celebra dende hoxe e ata o domingo en Silleda, no marco da 39ª Feira Internacional Abanca Semana Verde de Galicia. Durante a fin de semana, ademais de persoal de información, no stand de Malpica haberá demostracións a cargo do oleiro José Antonio Corral. O horario de apertura, tanto o sábado coma o domingo, será de 10 a 21 horas.