Esta fin de semana o Entroido terá parada fixa en Malpica. O sábado cita co vía Crucis de bares da Mikaela de Buño, e o domingo teremos tamén 3 citas singulares no entroido malpicán. A partir das 15:00h, Percorrido da Comitiva de Entroidos Madamitos e Ghuadineros de Cerqueda. En Seaia, teremos á hora de xantar o Cocido do Farruco que rematará... mal... Como o Faustino en Malpica, que despois de percorrer as rúas será queimado.

Pero é que levan xa toda a semana armando actividades, como o Concurso de Doces de Antroido, que celebrou xa a súa edición número 13, resultou todo un éxito de participación e de público. Máis de 70 doces, a mellor marca xamais, competiron polos primeiros premios nas diferentes categorías do certame.

Finalmente, Casa Antonio, na categoría profesional, e Ana Reigía, na amateur, foron os triunfadores. Estes son os resultados:

Categoría Profesional:

• 1.- Restaurante Casa Antonio cunha deliciosa Torta de iogur con crema de castañas.
• 2.- Cafetería Santiago Apostol cun exquisito Frío de queixo e mel.
• 3.- Bar Atalaia cunhas excepcionais Filloas de laranxa.

Categoría Amateur:

• 1.- Ana Reigía cunha orixinal Torta Peixe de queixo.
• 2.- Asoc. Cultural Malante por unhas saborosas Tortitas de piña.
• 3.- Cristina Ferre Blanco por unha riquísima Tortiña de queixo con amorodos.

Categoría Infantil:

• 1.- Manuel Balsa Balboa por uns impresionantes Bombóns de barquillo.
• 2.- Xela Pérez Verdes que presentou unha deliciosa Torta de tres chocolates.
• 3.- Raúl Pérez Verdes por unha orixinal presentación dunhas riquísimas Natillas.

Novas relacionadas

• Enterro da Mikaela de Buño.
• <Domingo de Piñata no Antroido de Malpica.

Fonte

• Redacción de QPC (info@quepasanacosta.gal).