Miles de devotos acompañaron ao Santo Hadrián e Santa Natalia no seu ascenso ata a ermida "Foi un dos anos con máis xente", sentencian os voluntarios de Protección Civil de Malpica que formaron parte do equipo de seguridade especial para a romaría de Santo Hadrián. Tanto a contorna da capela como a vila malpicana foi un fervedoiro de xente ao longo da pasada fin de semana e moi especialmente o domingo. Ademais, o bo tempo axudou a que as misas, que se celebraron dende as 07:30 horas, estivesen ateigadas de devotos chegados dende distintos puntos da zona. Outro ano máis, a fonte encheuse de panos cumplindo outro dos ritos propios desta festa onde tampouco faltaron as velas e exvotos con formas de distintas partes do corpo. A fonte milagreira encheuse de panos brancos O éxito tamén foi total na parte menos litúrxica da festa. O posto de sardiñas da asociación San Xulián de Seaia "non daba abasto" e a pulpeira estivo chea na hora do xantar. O posto de sardiñas da asociaciónn San Xulián estivo cheo de xente durante o domingo E foron moitas as familias e pandillas de amigos as que recuperaron a vella tradición de "merendar" no campo da ermida de Santo Hadrián. Moitas pandillas aproveitaron a xornada do domingo para comer na contorna da capela de Santo Hadrian As verbenas e a regata Illas Sisargas, xunto coa campaña de promoción da romaría que puxo en marcha o concello de Malpica, foron outro dos atractivos dos centos de persoas que se achegaron ao longo de toda a fin de semana ata a vila de malpica. No campionato deportivo incluso participou a medallista olímpica Sofía Toro. Máis de cincuenta persoas participaron no dispositivo especial de seguridade Ante a gran cantidade de xente que visitou a vila de Malpica durante a fin de semana, o concello puxo en marcha un dispositivo especial de seguridade formado por máis de cincuenta persoas. Axentes da Garda Civil e da Policía Local e persoal de Protección Civil de varios municipios da zona velaron pola seguridade da cidadanía durante a romaría. O concello agradeceulles a colaboración e o traballo agasallándoos cunha peza de Olería de Buño e ofrecéndolles un xantar de confraternidade no que tamén participaron o alcalde, Eduardo Parga Veiga; o concelleiro de Seguridade, Miguel Fernández, e a concelleira de Promoción Económica, Pili Doldán.

Novas relacionadas

• 2016:
• 2016: Malpica reforza a seguridade durante as festas de santo Hadrián
• 2014: Xa chega a Romaría de Santo Hadrián
• 2013: Propoñen unha quincena de actividades para a romaría de Santo Hadrián
• Recuperando o patrimonio de San Adrián de Malpica.
• Unha de Festas de Interese Turístico na Costa da Morte.
• En bici ao San Adrián de Malpica.
• 2008: A Romaría do Santo Hadrián de Malpica é declarada festa de Interese Turístico.

Fonte

• Redacción QPC ([email protected])
• Concello de Malpica