Presentouse onte a programación da XXX edición da Mostra da Olería de Buño, que terá lugar entre o 2 e o 11 de agosto. Unha presentación na que participou o presidente da Deputación, que aporta 60.000€, Diego Calvo, alcalde de Malpica, Eduardo Parga, o concelleiro de turismo, Alfredo Cañizo, e o secretario da Asociación de Oleiros de Buño, José Antonio Añón Lista.

Todos salientarion a cifra dos 30 anos viva, “o valor de seguir medrando en épocas de dificultades económicas”, e incidiron na necesidade desta feira para a promoción dunha actividade artesanal que “deberían aprender os mozos”, como destacaba o representante dos oleiros.

Festa de Interese Turístico e motor económico

Falamos dunha das Festas de Interese Turístico da Costa da Morte que ademais convertiu unha tradición nun dos meirandes referentes a nivel galego en canto a artesanía, e que xa é todo un motor económico, o máis importante da pequena vila de Buño. Non hai máis que apuntar que na vila, e a pesar da crise, seguen vivos os 17 talleres de artesáns e as 9 tendas.

Ademais, este ano conseguiron un bo convenio coa propia Deputación que entrega como obsequio institucional unha peza de Buño.

Así, o secretario da Asociación de Oleiros de Buño, José Antonio Añón Lista, recordou que a Mostra de Olería de Buño “non so foi importante, senón tamén fundamental para darnos a coñecer porque esta artesanía comezou sendo simplemente utilitaria e agora trátase dun elemento decorativo”.

Programa da XXX Mostra da Olería de Buño

Actividades permanentes

Na Casa do Oleiro, A Camposa - Buño (Malpica). De 11:00 h. a 14:00 h. e de 17:00 h. a 21:00 h:

• Exposición "Os Nosos Oleiros";
• Obradoiro de barro para nenos, tódolos días de 17:00 h. a 20:00 h.;
• Música e danza tradicional, animación de rúa e novo circo, tódolos días a partir das 19:00 h..
• Exposición “Oleiros de Buño”.
• Exposición de carteis de tódalas mostras.
• Esposición de Pintura “De colores”. Pilar Pastoriza.
• Exposición de Pintura ao Oleo (Asociación de Amas de Casa de Malpica e Aula de Pintura de Corme)
• Stands de venda dos oleiros na Carpa con Exhibicións dun oleiro no torno, tódolos días de 12:00 h. a 14:00 h. e de 18:00 h. a 21:00 h.
• Ecomuseo do Forno do Forte, aberto de 11:00 h. a 14:00 h. e de 17:00 h. a 21:00 h.

Actividades paralelas

• Venres 2 de agosto de 2013: Xornada inaugural.
  - 17.00 h. IX Encontros de música e danza tradicional con A.C. Carcaxía, A.C. Raigañas e A.C. Malante.
  - 18.00 h. Acto oficial de inauguración.
  - 18.30 h. Visita ás dependencias da Mostra da Olería.
• Sábado 3 de agosto de 2013: Olería e tradición.
  - 11.00 h. Carga do forno (Ecomuseo Forno do Forte).
  - 15.00 h. Prendido do forno (Ecomuseo Forno do Forte).
  - 19.00 h. Kanbahiota. Vaia Circo!
  - 21.00 h. Festa da Carroa e actuación de Fol de Veneno (Ecomuseo Forno do Forte).
• Domingo 4 de agosto de 2013: Olería e tradición.
  - 10.00 h. Ruta da Olería.
  - 11.00 h. Descarga do forno.
  - 19.00 h. Exhibición de música e danza tradicional da A. C. Malante.
• Luns 5 de agosto de 2013.
  - 19.00 h. Exhibición de música e danza tradicional da A. C. Raices Combinadas.
• Martes 6 de agosto de 2013: Os nenos na olería.
  - 17.00 h. Concurso de modelado e xogos para nenos/as.
  - 19.00 h. Entrega de premios e agasallos a gañadores/as e participantes.
• Mércores 7 de agosto de 2013.
  - 11.00 h. Visita da Ludoteca Infantil ó Ecomuseo “Forno do Forte”.
  - 11.30 h. Visita da Ludoteca Infantil á Mostra da Olería (Avisar Monitores/as do barro).
  - 19.00 h. Os Sete Magníficos Máis Un. A Historia de Brancafror.
• Xoves 8 de agosto de 2013.
  - 19.00 h. Isla LeTrisca. Inmóbile.
• Venres 9 de agosto de 2013.
  - 19.00 h. Exhibición de música e danza tradicional da A. C. Carcaxía.
• Sábado 10 de agosto de 2013.
  - 19.00 h. Circo Chosco. Chosco Voando!
• Domingo 11 de agosto de 2013: Xornada de Clausura.
  - 18.00 h. Trofeo Mostra Olería de Futbol: Malpica S.C.D. – U.D. Cerqueda – Buño S.D. (Campo de Futbol de Xaviña).
  - 19.00 h. Exhibición de música e danza tradicional da A. C. Raigañas.
  - 19.45 h. Sorteo de lote de pezas.
  - 20.00 h. Acto de clausura da XXX Mostra da Olería de Buño.

Novas relacionadas

• Os oleiros multiplícanse por Malpica.
• De obsequio institucional da Deputación, unha peza de Buño.
• A olería de Buño e as atadoras de Corme amosan a tradición costeira a toda Galicia.
• Un oleiro en perigo de extinción.
• As Festas de Interese Turístico na Costa da Morte.
• 2012: O turismo mantén viva a Mostra de Olería de Buño.
• Mostra 2010: Unha Mostra de relevo.
• Mostra 2008: Unha semana enteira de barro en Buño.

Fonte

• Redacción de QPC ([email protected]).