Martes. 15.06.2021
El tiempo

A Xunta pide paciencia para acometer as obras de seguridade do peirao de Malpica

A Conselleira do Mar instou ao Concello de Malpica a pedir axudas no GALP para adquirir un novo guindastre no porto de Barizo
13,30 h.-        A conselleira do Mar, Rosa Quintana, acompañada pola presidenta de Portos de Galicia, Susana Lenguas, reunirase co alcalde de Malpica. Na sala de xuntas da Consellería (2º andar, enriba da cafetería).
foto xoán crespo
14/02/2020
A conselleira do Mar, Rosa Quintana, acompañada pola presidenta de Portos de Galicia, Susana Lenguas, reuniuse co alcalde de Malpica, Walter Pardo- Foto Xoán Crespo
A Xunta pide paciencia para acometer as obras de seguridade do peirao de Malpica
Dende o pasamento en decembro de 2018 dun mariñeiro na entrada do porto de Malpica, levamos pouco máis dun ano de carreira por mellorar a seguridade. Despois de moitas protestas, en clave política, e mesmo da entrega de 10.000 sinaturas, a Xunta púxose a traballar nunha solución.

O pasado mes de outubro anunciaban a o proxecto de instalación radar que comezaba en decembro a medir o impacto das ondas e as correntes sobre o peirao. Hai un par de semanas que se instalaban 3 novos sensores e un dispositivo especial de medicisión

Onte, o alcalde malpicán Walter Pardo visitaba á Consellería para ver cando comezarán as obras, e atopouse cunha mensaxe de “calma” da Conselleira do Mar. Rosa Quintana pediulle que “deixe traballar aos técnicos para que poidan verificar a procedencia das medidas en estudo e advirte de que as présas poden levar a resultados contraproducentes”. “Hai que ser rigorosos”, argumentou a conselleira para xustificar os retrasos no comezo das obras.

Na xuntanza, na que tamén estivo o patrón maior da confraría, Pedro Pérez, a Xunta explicou que é o momento da “recollida de datos do comportamento da dársena co obxectivo de coñecer as necesidades que marcarán as pautas da licitación do estudo de alternativas e o posterior proxecto para dar unha solución definitiva ao peirao de Malpica”.

 

Peirao de Barizo

Outro dos temas abordados na xuntanza foi a disposición dun novo guindastre para poder pór en seco embarcacións no peirao de Barizo. Neste senso, Portos de Galicia xa analizara, hai meses e a instancia do anterior alcalde, a posibilidade de arranxo do existente, se ben se recomendou, ante o estado do mesmo e a falla de garantías de seguridade e viabilidade da reparación, optar pola súa substitución por un novo.

Para acometer esta nova instalación, a conselleira do Mar reiterou a posibilidade de que os usuarios soliciten diante do GALP unha axuda para realizar a adquisición e colocación do novo guindastre, sinalando que o prazo de solicitude estaría aberto ata o vindeiro 1 de marzo.

Novas relacionadas

comentarios