Ana Miranda e o BNG con Marivi Areas e Xose Manuel Barros de Mar de Fabula

Completa visita da eurodeputada do BNG no Parlamento Europeo, Ana Miranda, esta pasada fin de semana na comarca de Fisterra. Unha vista relacioada directamente coa problemática do Corredor Marítimo de Fisterra, que serviu para recadar información para as iniciativas presentadas este luns no Parlamento Europeo de Bruxelas, encamiñadas a que sexa declarado “zona especial”.

Os 40.000 barcos atravesan cada ano o Corredor de Fisterra, entre eles numerosos cruceiros que poden liberar as augas negras, e exemplos como o Eloane, que regaba de crebas as nosas costas, obrigan a que as autoridades europeas leven a cabo actuacións que permitan aumentar a seguridade na zona e reducir os vertidos incontrolados dos cruceiros internacionais que pasan pola costa galega.

Mar de fábula

E unhas das persoas que mellor teñen estudiado este asunto son os membros da asociación e coloxista "Mar de Fábula”. Ana Miranda escoitou as teimas de Mariví Areas e Xosé Manuel Barros na loita contra a contaminación. Unha entidade que segue esixindo que a Comisión Europea presione para modificar o convenio MARPOL da Organización Marítima Internacional (OMI) en relación cos vertidos incontrolados de augas fecais dos cruceiros internacionais que pasan pola Costa galega.

Praia de Cee - Heliporto de Rubio

Ana Miranda cos compañeiros do BNG de Cee e Fisterra no heliporto de Rubio-Lires-Cee Por outra banda, xunto aos concelleiros do BNG en Cee e Fisterra, Serxio Domínguez Louro e Xan Carlos Sar, a eurodeputada nacionalista visitou a praia de Cee, a EDAR e as instalacións do finado tras unha tráxica historia, heliporto de Salvamento Marítimo. "O Corredor Marítimo de Fisterra, cun tránsito de 40.000 navíos está desamparado, tanto por contar cun heliporto sen helicóptero despois dunha inversión millonaria que contou con fondos europeos, como polos sentinazos incontrolados que non se vixían nesa zona de gran perigosidade", afirma ao respecto. De feito, Salvamento Marítimo conta co efectivo correspondente no aeroporto de Santiago, pero deste xeito o tempo de chegada en caso de accidente é indubidablemente máis alto que si estivese na comarca Fisterra. Co obxectivo de modificar esta situación, Ana Miranda dirixirase mediante unha carta á Axencia Europea de Seguridade Marítima (ESMA) con sede en Lisboa para pedir que se actualicen os datos de control satelital "Cleanseanet" no Corredor de Fisterra.

Artigos relacionados

• Xosé Manuel Barros: Que ocorre cando tiras da cadea nun cruceiro?.
• Xosé Manuel Barros: Evaristo e o Corredor de Fisterra.
• Xosé Manuel Barros: Escala de cruceiros no porto de Brens. Que facer?.
• Óscar de Souto: Os cruceiros fecais, todo é unha cadea!!.

Novas relacionadas

• A tráxica e real historia, erro tras erro, do inoperante heliporto de Salvamento da Costa da Morte.
• Febreiro 18: A Xunta saca peito da xestión das crebas do Eloane e esquece a labor dos voluntarios.
• Xaneiro 18: Os actores involucrados debatiron sobre o saneamento e contaminación orgánica do mar ante unha gran expectación.
• Xaneiro 18: Os Reis deixaron un regalo en forma de susto no Corredor de Fisterra.
• 40.000 barcos atravesan cada ano o Corredor de Fisterra.

Fonte

• Redacción QPC ([email protected])