O pasado luns, ás 17:00h, un home saía a mergullar na zona de San Francisco, onde o cámping da Vouga, en Muros. Arredor das 23:00h a familia avisou ao 112 de que non regresara.

Foron mobilizados Salvamento Marítimo, Servizo de Gardacostas, Protección Civil de Muros e a Policía Local, co fin de localizar ao mergullador, que vestía un traxe de neopreno negro.

E así o fixeron, arredor das 0:40h de onte, cando atoparon e rescataron o corpo sen vida do mergullador. corpo do desaparecido fora localizado no fondo por compañeiros do mergullador e mergulladores da embarcación 'Ría de Vigo', que o recuperaron. Posteriormente, o corpo foi trasladado por unha embarcación ata o Porto de Muros.

Outros accidentes no mar

• 27-05-11: O mar da Coruña cóbrase dúas vidas malpicás.
• 22-04-11: Desaparece un home do Ézaro no mar.
• 25-01-11: Salvamento Marítimo acode ao rescate dun veleiro a 30 millas da costa camariñá.
• 21-01-11: Un pescador falece en Fisterra cando ía ao mar.
• 20-01-11: Rescatan a unha mariscadora que caíu ao mar en Caldebarcos.
• 27-12-10: Falece un pescador nos cantís de Laxe.
• As imprudencias no mar páganse.

Fonte

• 112 Galicia.