Martes. 30.11.2021
El tiempo

O Forum Gastronómico gozou do mar de Laxe ou Malpica, a pataca fina de Carballo, ou a faba de Cabana

Pepe da Muradana tamén levou o sabor costeiro ao Forum Gastronómic
SHOWCOOKING MUROS E NOIA III
Pepe Senande, terceiro pola dereita, no showcooking da ría de Muros e Noia
O Forum Gastronómico gozou do mar de Laxe ou Malpica, a pataca fina de Carballo, ou a faba de Cabana

Tralo paso da carballesa Rocío Martínez, o Forum Gastronómic de Barcelona acollía onte un novo showcoooking con acento costeiro. Foi Pepe Senanda, do restaurante A Muradana, o que participou nunha nova sesión coordinada pola Área de Turismo da Deputación coas claves da cociña da ría de Muros e Noia.

Pepe Senande estivo acompañado de Montserrat Santos de Casa do Tella de Portosín, Manuel Abelleira de Casa Abelleira de Ames e Manuel Pérez de Casa do Selmo de Urdilde. Na degustación ofreceron ceviche de xarda azul de Portosín, xouba mariñada con soplete, chicharróns, berberechos de Noia en tempura e berberechos de Noia ao natural.

Turismo de calidade

SHOWCOOKING MUROS E NOIA I

Foi o peche a 3 días de Feira na que a Costa da Morte estivo moi presente, O público do Fórum, ademais de vivir o show de Rocío Martínez do Pementa Rosa de Carballo e probar a bica de Vimianzo, coñeceu o peixe e marisco procedente de Laxe ou Malpica, a pataca fina de Carballo, ou a faba de Cabana.

O vicepresidente da Deputación e responsable da área de Turismo, Xosé Regueira asegura que “esta Feira non só demostrou o interese pola gastronomía galega senón que estamos vendo que o público se sorprende coa esta nova maneira de facer alta cociña, ligando o produto ao territorio e introducindo parámetros de sustentabilidade”.

Regueira indica, ademais, que “que posta en valor da gastronomía de alto nivel é a estratexia axeitada para atraer un perfil turístico que deixe maior retorno na provincia e pensamos que, precisamente, este ano e medio que queda de Xacobeo é unha moi boa oportunidade para coidar a oferta gastronómica que se ofrece nas áreas da periferia do Camiño para que non se desvirtúe o traballo dos e das profesionais que están coidando a súa oferta, respectando a trazabilidade do produto, mirando a cadea de valor e facendo o seu traballo con parámetros de calidade e de sustentabilidade”.

Novas relacionadas

comentarios