Ao longo destes días a gastronomía costeira estase gañando espazo en todo o estado gracias a varias cociñeir@s costeiras. Por un lado, a pontecesá Sandra Varela estivo durante esta fin de semana en Barcelona participando activamente no encontro da #RedChef2030. Polo outro, Rocío Martínez do restaurante Pementa Rosa de Carballo; e Pepe da Muradana de Muros representarán á Deputación da Coruña estes días Fórum Gastronómico da capital catalá.

Sandra na Red Chef

A cociñeira do CEIP Os Muíños, unha das grandes valedores da cociña de proximidade nos centros de ensino no rural, que trata de espallar a súa experiencia de cociña saudable nos comedores escolares coa posta en común cos produtores locais estivo en Barcelona. Foi no marco dunhas xornadas de traballo da Rede Chef 2030, colectivo do que forma parte dende hai uns meses.

Unhas xornadas no marco da Semana na Capital Mundial da Alimentación de Barcelona, de cheas de ilusión e profesionalidade, tratando de convertir a súa profesión nun hobbie, aprendendo e mellorando. A idea foi presentar un menú ecolóxico degustación para 200 persoas con produto todo local.

Sandra convírtese xa en asesora da rede en caso de que algunha entidade galega ou da Costa da Morte queira entrar na rede. E de feito, este mércores ás 17:00h no Centro Sociocultural de Baio continúa en marcha o proxecto dos Ecocomedores da Costa da Morte a través do GDR cunhas novas “Xornadas de promoción e sensibilización, menús de temporada calor para comedores saudables e sostibles con circuitos curtos de comercialización”. Hai case unha decena de centros e media ducia de produtores confirmados e dende o grupo esperan maior implicación.

 

 

 

 

View this post on Instagram

 

 

 

 

 

 

 

 

 

 

 

A post shared by Sandra Varela Amado (@sandrabalares)

A Costa no Forum

Da man da área de Turismo da Deputación da Coruña, a Costa estará presente esta semana entre o luns 18 e o mércores 20, no Fórum Gastronómico de Barcelona cun ambicioso programa de showcookings da man de cociñeiros e cociñeiras representativas dos xeodestinos turísticos da provincia.
“Fóra de Galiza ninguén dubida que temos un produto e unha materia prima culinaria de primeirísima calidade pero o nivel da restauración galega aínda non está tan consolidado fóra das nosas fronteiras, e precisamente o marco que ofrece o Fórum para difundir esta faceta é un dos máis acaídos” asegura o vicepresidente e deputado de Turismo, Xosé Regueira.

Rocío Martínez, do Restaurante Pement Rosa de Carballo estará o luns ñas 18:00h co seu showcooking “Cociña de proximidade. Carballo como punto de recepción de materias primas de kilómetro cero”. Pola súa parte, Pepe Senande do Restaurante A Muradana de Muros fará o propio o mércores ás 12:00h.

Tamén hai produtos de Vimianzo.

Novas relacionadas

• Outubro 21: Cociñando congro de vangarda.
• Setembro 21: Produtores e comedores escolares volven unir camiños.
• Xuño 21: Sandra Varela, a representante galega da “Red Chef 2030”.
• Xullo 2020: O do CEIP Os Muíños, un dos catros Comedores Escolares de Km.0 de Galicia.
• Marzo 2020: O Comedor do CEIP Os Muíños recibe o selo SlowFood.
• Febreiro 2020: O comedor do CEIP Os Muíños: Tres anos ofrecendo comida saudable e apostando polos produtos de aquí.
• Febreiro 20: Produtores locais e centros de ensino unen lazos para crear Ecocomedores escolares
• Xaneiro 20: “É un crime que esteamos abrindo croquetas conxeladas nos comedores escolares”
• Xaneiro 2020: O proxecto de Ecocomedores Escolares resolve dúbidas dos representantes dos centros