Aínda coa resaca da impresionante xornada solidaria do xoves no Pinguel, o Fútbol da Costa máis social pon o foco hoxe en Agra da Figueira (Louro), onde esta tarde do sábado 30 de decembro, a partir das 16:30h, se celebra o Partido Solidario da Selección da Costa-Feminina ante o Sporting Cambre.

Un choque, organizado polo equipo de deportes de QPC, comandado por Alberto Pose e Óscar Leis, e que contará coa animación de Manuel Lago Tal (o esteirán é unha das voces máis recoñecidas do deporte no sur da comarca da man da 5FM radio) que servirá para recadar fondos para a Asociación Galega de Ataxias, e onde contaremos coa presenza da súa presidenta, a malpicá Juliana Moscoso, e o veciño de Corcubión e doente desta enfermidade rara chamada Ataxia Costa da Morte, Rogelio Antelo.

Este evento será unha nova demostración de que o Fútbol da Costa é moito máis que un deporte, é un axente social, que vertebra a Costa da Morte, e ademais un perfecto exemplo da revolución que está a acontecer no fútbol feminino costeiro nestes anos. Dende que esta xente fixo o primeiro álbum de cromos do Fútfem Galego hai apenas dous anos, pasamos de 5 a 15 os equipos femininos no Fútbol da Costa!! E o que queda por medrar!!

QPC reitera os agradecementos a todos os axentes que fan posible este evento, como son o Concello de Muros, nomeadamente á alcaldesa María Lado e ao concelleiro de Deportes Damián Torea, a UD Monte Louro, ao completo; a Real Federación Galega de Fútbol que nos permite celebrar estes choques amistosos cubrindo os seguros dos futbolistas; e á subdelegación de árbitros da Costa, agora dirixida por Manuel Espasandín, que sempre colabora con estas acccións; ao Sporting Cambre; e como non, á familia de da Asociación Galega de Ataxias.

Convocatoria e concentración

Fermosa a xornada de convivencia que ten preparada o equipo técnico do Combinado costeiro formado por Fran Figueroa, Rubén Souto e Gini Vidal. As rapazas foron convocadas ás 11:00h para facer un adestramento no campo loureán, despois irán pegar un baile na sesión vermú das Festas do Apóstolo, e a comer no San Francisco, antes de ir para Agra da Filgueira.

As “sortudas” que van vivir esta superexperiencia son:

• Adriana Siaba (porteira) de Miúdas.
• Miriam (porteira) de Cabana.
• Nuria do Seaia.
• Mai do Dumbría.
• Martina do Dumbría.
• Irene do Corme .
• Saskia do Xallas.
• Lucía do Cerqueda.
• Kelly do Dumbría.
• Fandi do Dumbría.
• Romaní do Muxía.
• Tamara do Mazaricos.
• Carla Vidal do Outes.
• María Helena do Fisterra.
• Olalla do Xallas.
• María Castro do Corcubion.
• Claudia Oanes do Ponteceso.
• Carla do Corme.
• Andrea Fisterra.
• Yasmina Xallas.
• Naroa do Victoria..
• Andrea do Ponteceso.

O partido será pitado por Vítor Recarey, David Cancela e Tiago Alonso, xa que nin Aisha nin Andrea están dispoñibles.

Sorteos

Cómpre lembrar que haberá sorteos espectaculares, como unha Noite no Faro de Lariño, gracias á colaboración de Jesús Picallo, unha camiseta da xogadora do Benfica Pauleta, gracias ao míster Fran Figueroa.

Máis novas