Esta fin de semana analizaremos a tradición entroideira da Costa da Morte e destes enterros, pero hoxe queremos achegarnos ata Muros para ve como foi o seu completo Entroido.

Un Entroido de Muros 2013 que tivo de todo, pero que se centrou no sábado e no mércores. O sábado tivo lugar un fermoso Concurso de Comparsas con dúas grandes protagonistas, que demostraron que o frío e a vergonza non existen nas festas muradanas. Primeiros quedaron os da "Verbena da Festa da Xesta", con cantantes coñecidos no fútbol costeiro entre outras grandes estrelas... E por detrás, e moi ben traballados, levaron o segundo premio a xente da Brincadeira, co seu fermoso "Bosque Máxico" que firmaría o propio Tolkien.

E tocaba pechar o entroido cunha gran cita: o Enterro do Facundo en Muros. O mércores unha procesión fúnebre despediu a este "gran vividor-bebedor". As mulleres votarano moito de menos. Benditas farras e caralladas que foron o seu leimotiv. Comeu, bebeu, disfrutou do mundo e da carne. Ata o ano que ben benquerido Facundo. Así o despedían adicándolle algunha copla.

Máis Enterros

E estean atentos que esta fin de semana aínda quedan entroidos que vivir. Como o de Cee no sábado de Piñata, o de Baíñas, ou o novedoso Enterro do Percebe de Muxía, o Caietano de Laxe e a gloriosa Mikaela de Malpica.

Entroidos vidos

• A copla sobrevive no Entroido de Fisterra.
• Un desfile, militar, tomou o Entroido de Vimianzo.
• As Cantareiras de Ardebullo encheron de risas o Entroido de Dumbría.
• APEM viviu un Entroido de Circo.
• Entroido Costa da Morte, primeiro asalto.

Entroidos por vir

• Muxía reaviva o Entroido a base de pinchos e co Entroido do Percebe como fin de festa.
• Baíñas ten un entroido de seu.
• Cee centra o Entroido no Sábado de Piñata.
• Malpica, Laxe e Cabana propoñen un Entroido coa Mikaela, Caietano e os Ghañán Style.

Fonte

• Redacción de QPC ([email protected]).