Muros prepara un Entroido espectacular

09:22 01/03/11
Impresionante o programa cultural que ofrece o concello de Muros para este Entroido. O teatro, os disfraces e as comparsas serán as protagonistas, en 5 días de vértigo. Dende o venres 4 de marzo ata o Martes 8, as actividades desenvolveranse polas parroquias e na vila muradá.
Así, o venres 4 a Casa Reirotal de Torea acollerá a primeira festa de disfraces. Festa que terá lugar en Agrovello (Tal) e Surrobos (Abelleira) o sábado; o luns en Esteiro e Serres, e o martes en Louro.
Pero a cita clave é o Concurso de Comparsas que se celebrará o domingo 6 de marzo. Hai máis de 2.000€ en premios e o prazo está aberto ata o propio día.
Programa Cultural de Entroido
A Concellería de Xuventude envíanos tamén o programa de marzo, coas citas co teatro e co cine.
Novas relacionadas
Fonte
- Concellería de Xuventude de Muros.