Xa están en marcha unhas das festas máis fermosas de recente creación na zona. De feito, xa temos cartel das IX Xornadas de Cultura Mariñeira Muros "Mira ao Mar". A gañadora do certame foi Paloma Quintela García, e o seu debuxo será o que sirva de cartel para promocionar esta festa tradicional.

A cita será os 5, 6 e 6 de xullo deste 2013, e Muros tinguirase de mar para acoller a milleiros de visitantes e veciños da zona que busquen sumerxirse por uns días no pasado máis salgado da vila muradá.

Aínda non temos o programa pero o que si temos é este vídeo promocional, que nos avanza lixeiramente que teremos de todo: exposicións, obradoiros, gastronomía, mercado mariñeiro, teatro na rúa, pasarrúas, visitas guiadas, xogos populares, charlas, embarcacións tradicionais, certames e concursos, música en vivo...

Máis información

• murosmiraaomar.wordpress.com.
• Facebook de “Muros mira ao Mar”.

Novas relacionadas

• Unha viaxe por Muros a través dos obxectivos dos gañadores do Rali Fotográfico.
• Xornadas 2011: Unha visión mariñeira dende o corazón de Muros.
• Xornadas 2011: Muros levou o mar ás súas rúas.
• Xornadas 2010: Muros sabe a mar.

Fonte

• Redacción de QPC ([email protected]).