Chegan as Municipais e cómpre estar preto das entidades. Así o entende a candidata do Partido Popular á alcaldía de Muros nas próximas Eleccións Municipais, Inés Monteagudo, que mantivo este pasado venres unha xuntanza con profesionais do comercio para debater propostas que axuden a dinamizar o sector.

Monteagudo analizou a posta en marcha de iniciativas de remodelación e actuacións urbanísticas nas zonas comerciais, así como o desenvolveu de diferentes actividades. Ademais, incidiu na importancia das mesas sectoriais organizadas polo seu partido, e denunciou que o goberno local non utilizado ningún dos órganos de participación cidadá cos que conta.

Os populares, que se reuniron con máis de 70 entidades, destacan o “abandono” no que se atopan os sectores do comercio, o turismo, a hostelería e a educación.

Novas relacionadas

• O PP, o primeiro en amosar todos os candidatos de cara ás Municipais, agás Vimianzo.
• O PP de Muros cambia de cara.

Fonte

• Nota de prensa do PP provincial.