Martes. 16.07.2024
El tiempo

Condenan a catro anos e medio de cárcere a un home que agrediu a unha parella nunha terraza de Muxía

garda-civil-recurso
Condenan a catro anos e medio de cárcere a un home que agrediu a unha parella nunha terraza de Muxía

A sección segunda da Audiencia Provincial da Coruña condenou a catro anos e medio de cárcere e ao pagamento dunha multa de 450 euros a un home por agredir a unha parella na terraza dun bar de Muxía en xuño de 2020. En concreto, o tribunal considerouno autor dun delito de lesións con instrumento perigoso e dun delito leve de lesións, concorrendo en ambos os casos a circunstancia agravante de reincidencia.

Ademais, impúxolle o pagamento de 5.006 euros a unha das vítimas; e, á outra, de 250 euros, en concepto de responsabilidade civil. O tribunal considera probado que o acusado lle asestou ao home un ou dous golpes “directamente na cabeza” cun “pau de madeira ou barra contundente”, polo que quedou aturdido. O condenado, segundo a sentenza, continuou agredíndoo, tanto a el como á súa parella, quen lle gritou que estaba embarazada, a pesar do cal “chegou a darlle na altura da barriga e non cesou na súa acción ata a intervención dun terceiro que o afastou”. A sentenza non é firme, pois contra ela cabe presentar recurso.  

Comentarios