Levantan a prohibición do cultivo da pataca en toda Muxía pero manteñen a prohibición en Caión
Aínda pesan restricións sobre o cultivo da pataca por mor da praga da couza guatemalteca. Hoxe, a Xunta vén de anunciar o levantamento da prohibición do cultivo de pataca en todas as parroquias de Muxía.
Así pasan a ser consideradas zonas tampón -espazos límite de contención en lugares que lindan con outras zonas infestadas e nas que se pode plantar pataca comunicando o cultivo- a totalidade do concello de Muxía, incluídas as parroquias da O (Nosa Señora), Leis (San Pedro), Muxía (Santa María), Moraime (San Xulián), Ozón (San Martín) e tamén a parroquia de Lendo (San Xián) no concello da Laracha.
Porque a Xunta mantén a prohibición de plantar pataca na parroquia larachesa de Caión (Santa María do Socorro), así como nas arteixáns de Chamín (Santaia) e Sorrizo (San Pedro).
A Xunta asegura que “os datos de seguimento da presenza deste organismo nocivo están mostrando un avance significativo na súa contención, o que sería a fase previa para valorar a súa posible erradicación”.
Novas relacionadas
- Xaneiro 22: Zonas da Laracha e Muxía seguen sufrindo restricións pola praga da couza da pataca.
- 2019: A parroquia carballesa de Noicela, e dúas parroquias da Laracha, entran en corentena pola couza da pataca.
- 2019: Os agricultores da zona tampón da couza da pataca non poderán prantar ata pasados dous anos do último insecto capturado.
- 2018: Marzo 2018: Muxía, primeiro concello da Costa da Morte afectado pola couza guatemalteca da pataca.
- 2017: A praga da pataca en dez puntos.
