Segue avanzando, de sur a norte, a praga do picudo vermello. Se en marzo de 2020 comezaba a acabar coas palmeiras de Muros, aínda a semana obrigaba a talar as palmeiras de Corcubión.

Hoxe xa podemos afirmar que a praga xa chegou a Fisterra, e afecta a varias palmeiras da recta da Anchoa, así como a 4 palmeiras da parte de arriba da Rúa da Cerca. Unhas plantas que poden ter uns 40-50 anos, sa máis antigas da vila.
Porén, as dúas que hai na zona da Ribeira, ao carón da Aula CeMit, por agora, aínda non parecen afectadas e se manterán, con seguemento, ao igual que as do Castelo de San Carlos.

O Concello ten solicitado tratamento, pero o consideran “moi caro e ademais non aseguran que vaian para adiante”, polo que a decisión será a de talalas, tamén por motivos de seguridade.

Lembran moitos veciños ás palmeiras erradicadas, non sen certa polémica aló polos anos 90 cando se instalou a praza nova.

Erradicar o bicho

As empresas especializadas avisan ademais da importancia de traballar en conxunto, pois de nada vale que un concello tome medidas nas palmeiras públicas pero que as privadas queden sen tratar ou talar. Así acontece en Corcubión, onde se ben o Concello tomou medidas, drásticas, coas palmeiras da Praza de Castelao, hai varias palmeiras privadas na saída cara Fisterra que están gravemente afectadas e que necesitan tratamento.

Alertan ademais da importancia de deixar, en zonas onde se talen as palmeiras, pequenas trampas con feromonas para que os escaravellos non escapen na procura de novas palmeiras.

NOVAS RELACIONADAS

• 04-10-2022: Adeus ás palmeiras da Praza de Castelao de Corcubión.
• Alegato urbanístico de Boca de Sapo para Corcubión.
• Setembro 22: As palmeiras da Praza Castelao, afectadas polo picudo vermello, xa caen a anacos.
• Agsosto 22: O picudo vermello segue avanzando e xa afecta a unha Palmeira da mítica Praza Castelao de Corcubión.
• Xaneiro 22: A praga do picudo vermello pon en perigo a superviviencia das palmeiras do sur da Costa da Morte.
• Xaneiro 22: Alertan de que a praga do picudo vermello xa chegou a Corcubión.
• Novembro 21: "Xa non é só por tirala en calquera lado, senón que ademais así propagas a praga do picudo”.
• Marzo 20: O picudo vermello cébase cas palmeiras de Muros.