Venres. 29.03.2024
El tiempo

O alumnado do IES Ramón Caamaño aprendeu da nova artista Candela de Pablo-Martín

IES Ramon Caamano con Candela de Pablo Martin
Candela de Pablo-Martín explicando as súas obras aos rapaces de 4º da ESO do IES Ramón Caamaño
O alumnado do IES Ramón Caamaño aprendeu da nova artista Candela de Pablo-Martín
Non deixou indiferente a ninguén o paso de Candela de Pablo Martín-Forero IES Ramón Caamaño de Muxía. A nova artista multidisciplinar lucense realizou unha visita guiada pola súa exposición no centro de ensino muxián, onde trouxo unha longa serie de obras de pequeno formato con ampla variedade de técnicas: pintura o óleo, serigrafía, fotografía, ilustración, arte dixital, grabado (punta seca, augaforte, verníz brando, gofrado).

Realizou unha presentación ós diferentes grupos de alumnado do centro (1º a 4º ESO), facendo un percorrido polas diversas técnicas empregadas e os procesos de realización das obras, así como tamén explicando o seu universo imaxinario e os motivos e inquedanzas persoais que a levan a crear.

”Un universo poético que a través dunha figuración moi cercana á ilustración, o cómic e a arte urbana, conectou xa de primeiras co noso alumnado que en todo momento interesouse, fixo preguntas e tamén amosou as súas primeiras creacións para que a artista llas comentara e lles dera consellos”, explícanos David Creus Andrade, profesor de Educación Plástica Visual e Audiovisual e Responsable do Departartamento de Actividades Extraescolares e Complementarias do IES.

Candela de Pablo-Martin no IES Ramon Caamano

”Un auténtico luxo contar coa súa presenza nunha xornada de entusiasmo, de achegamento e visibilización da arte nos centros educativos onde os máis novos poden descubrir que tamén o eido artístico pode constituir unha saida laboral ademáis do pracer que conleva a creación”, sinala. Porque Candela leva xa 5 anos de experiencia laboral realizando numerosos encargos en diversas disciplinas e segue na actualidade a formarse no ámbito da tatuaxe (extensión da arte á pel). O seu obxectivo: “busco a oportunidade de unirme ó mundo editorial para publicar os meus traballos e dar forma ó traballo de outros”.

A mostra permanecerá aberta ó público ata o 08 de novembro en horario escolar agás nos recreos por motivos de protocolo COVID19.

IES Ramon Caamno con Candela de Pablo-Martin

Comentarios