Nova fin de semana en ruta pola Costa da Morte
Nova fin de semana de sendeirismo na Costa da Morte, unha práctica tremendamente en alza, e así o demostra ver polas corredoiras da zona centos de camiñantes cada fin de semana. Dúas son as propostas continuas, e dúas son as citas para esta fin de semana. Os trasnos farán a sétima e penúltima etapa do Camiño dos Faros o venres 6 de decembro, mentres que o domingo será a Asociación Senda Nova a que dirixa unha ruta polos Ríos de Sofán.
7ª etapa do Camiño dos Faros
Adiantan os trasnos ao venres 6 de decembro, festivo, a sétima e penúltima etapa deste Camiño dos Faros entre Muxía e a Praia de Nemiña con 24 km, na que pode participar todo o mundo. Só hai que aparecer no punto de quedada en Nemiña ás 8:00 da mañá. Dende aí un bus (a 3€ de custe) levará aos trasnos ata o comezo da ruta, en Muxía, para ao remate xa ter os coches preparados.
Xa temos percorrido con Traski esta 7ª etapa, que ten 24 km e que é a etapa raíña de montaña do Camiño dos Faros. Do quilómetro 2 ao 12 é un continuo subir e baixar os montes Cachelmo, Buitra e Pedrouzo. A partir de Moreira a etapa suavízase ata chegar a Touriñán e Nemiña.
Ruta polos Ríos de Sofán
Senda Nova artella un novo roteiro no marco do programa II Outono en Marcha. Desta volta, o domingo 08 de decembro toca polos Ríos de Sofán. O percorrido foi deseñado por Jose M. Menéndez e percorrerase por primeira vez esta fin de semana.
Serán un total de 21km pola parroquia, Sofán, que á historia pasou como Sofán das Mártires, por un sanguento episodio que tivo lugar en 1919, no marco da mortífera gripe española e das loitas agraristas, e no que catro mulleres, unha delas embarazada, foron asasinadas pola garda civil no enterro dun meniño.
A ruta discorrerá pola ribeira dos dous ríos que vertebran a parroquia, o Carral e o Bardoso, nun traxecto no que podemos atopar máis dunha vintena de muíños, que nos dan conta da riqueza etnográfica da parroquia. Pasarase tamén por un curtidoiro dos anos 20, que aínda en funcionamento e que vende para pel curtida para todo o norte peninsular; por tres castros (nun deles, o de Guntián, dise que se erguía no pasado unha torre medieval) e por unha cova da que as lendas din que chegaba até o mosteiro de Soandres.
A saída será ás 8:00h do Concello de Laracha e de Coristanco, e ás 8:15h do Pazo da Cultura de Carballo.
Os compañeiros de Turismo Carballo cóntannos todos os pormenores da ruta.
Últimas novas
- De solpor polo Camiño dos Faros.
- O sendeirismo vence o tempo.
- Traski guía un centenar de trasnos polo litoral costeiro.
- Senda Nova pon en marcha 7 rutas de Outono.
Máis información
- Senda Nova.
- guiacostadamorte.blogspot.com: O Camiño dos Faros.
- O Camiño dos Faros no Facebook.
- Recunchos da Costa.
Novas relacionadas
- 8ª etapa do Camiño dos Faros: Os trasnos remataron de unir a Costa da Morte polo Camiño dos Faros.
- 7ª etapa do Camiño dos Faros: O Camiño dos Faros non para.
- 6ª etapa do Camiño dos Faros: O Camiño dos Faros faise máis que real.
- 5ª etapa do Camiño dos Faros: A imaxinación vai a pé.
- 4ª etapa do Camiño dos Faros: O Camiño dos Faros xa non ten volta atrás.
- 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
- 2ª etapa do Camiño dos Faros: Os camiñantes foron unha fin de semana máis os protagonistas.
- 1ª etapa do Camiño dos Faros: O Camiño dos Faros ábrese ao mundo.
- Percorrendo a pé, e con Traski, o Camiño dos Faros da Costa da Morte.
Máis novas
- A ornitoloxía tamén embriaga aos trasnos.
- Senda Nova pon en marcha 7 rutas de Outono.
- Natureza, historia e etnografía facendo sendeirismo por Malpica.
- Javier Couto: “O turista cada día é máis esixente, e cada vez pide máis sendeirismo”.
Máis novas
- O primeiro Roteiro Natural do Concello de Malpica cumpre 25 anos.
- Os Camiños do Mar lévannos a Ponteceso.
- Xeocaching: En busca do tesouro agochado.
- Facendo cumio do Roteiro das Peixeiras do Monte Pindo.
- Roteiros homologados na Costa da Morte?.
Fonte
- Redacción de QPC (info@quepasanacosta.gal).