Afrontábase onte un novo e tenso pleno en Ponteceso. 6 dos 8 edís socialistas do grupo de goberno xa anunciaban que non ían aprobar os puntos da orde do día por non ser consultados polo alcalde, un Lois Carballido que parece empeñado en afondar na crise do PSOE local.

O pleno rexeitaba (cos 3 votos en contra doPP, os 2 de APIN, e as abstencións de 5 edís socialistas) unha moción para a modificación de partidas para poder facer a paga extraxudicial. Un punto que só tivo a favor o voto do alcalde e dunha concelleira socialista, pois outro edil non puido acodir.

De seguido o alcalde retiraba da orde do día o punto 3, a proposta de gasto de 300.000€ para gastos de facturas, ao saber que non ía ser aprobada.

Na quenda de rogos e preguntas, o PP pedía a dimisión do alcalde “dado que non pode seguir sen apoios para gobernar este concello. Sexa coherente e abandoe antes de que lle teñan que facer una moción de censura”, avisaba Daniel García Cotelo.

Área de autocaravanas no Cemiterio de Corme

O voceiro do PP tamén preguntou arredor das obras da área de descanso para autocaravanas que se está levando a cabo ao carón do cemiterio de Corme. Os veciños están preocupados polas obras, xa que poden danar o muro centenario do cemiterio.

O PP tamén reiterou as preguntas sobre o PXOM do anterior pleno, se obter resposta.

Novas do caso #PSOEPonteceso

• 28-09-2020: Os edís socialistas de Ponteceso critican que o alcalde está levando ao concello “á ruína”
• 01-08-2020: Os edís socialistas a Carballido: "A súa prioridade é máis económica que vocacional”.
• 01-08-2020:Carlos Penedo a Carballido: "Está en politica por outros intereses que non son os intereses da veciñanza”.
• 01-08-2020: Marco Varela a Carballido: "Non por estar no goberno es un Dios”.
• 31-07-2020: Daniel Garcia Cotelo: “O de Carballido é a crónica dunha morte anunciada”.
• 30-07-2020: Unha sentenza corrixe por fin a situación dos empregados do GES de Ponteceso.
• 29-07-2020: Carballido renuncia á súa minguada dedicación e pide o reingreso no Instituto.
• 28-07-2020: Mar de fondo nos grupos socialistas de Muxía e Ponteceso.
• 20-06-2020: 3 edís socialistas apoian a Faustino Lema, cesado “unilateralmente” polo alcalde por “opinar priorizando o interese dos veciñ@s”.
• 14-06-2020: Faustino Santiago explica o seu cese como edil pontecesán: "Non é falta de confianza, é abuso de poder do alcalde”.
• 28-05-2020: Carballido bota outro membro da súa corporación.
• 2019: Socialistas de Ponteceso critican ao alcalde
• 2019: Militantes socialistas de Ponteceso critican o incumprimento o procedemento na elaboración da lista.