As Letras fanse arte no Couto

Un ano máis, toda Galicia puxo o ollo nunha pequena aldea bergantiñá de apenas 90 casas na semana das Letras Galegas. A pequena aldea do Couto, en Ponteceso, segue afianzándose como centro cultural en materia galega tan importante como vilas como Santiago de Compostela, gracias á comprometida labor dos seus veciños, e membros das organizadoras do Festiletras, a Fundación Eduardo Pondal e a A.C. Montebranco.

Un Festiletras, que na súa 33ª edición, arrincaba dun xeito moi emotivo e mesmo con boas risas, e que continuaba cun nivelón de primeira, con nomes de verdadeiro prestixio, como Luís Davila cos seus debuxos, Yolanda Castaño cos seus poemas, Anxo Moure cos seus libros, Manuel Rivas e César Freiría con boas historias, Pinto d’Herbón e o Caruncho en clave de regueifa… Ou Xurxo Souto e Pazos de Merexo que trouxeron os seus acordeóns para facer festa, con algo de comer, na Taberna Agra de Mares, onde se debaten as verdadeiras letras entre Lusco e Fusco.

Noite fermosa a do venres cos baieses de Badius Teatro, que encheron de risas a Casa dos Veciños ca súa nova obra Frankenstein. Arroupados por numerosos amigos, tamén os veciños pontecesáns quixeron ver como medra o grupo de teatro afeccionado máis lonxevo da volta.

Xa o sábado tiña parada Larpeira no entorno privilexiado do Pazo de Sergude en Xornes, con Benigno Lago, co que aprendemos moitas cousas doces, como previa da gran noite, esa que unía ante un ateigado público, a Amancio Prada con Guadi Galego. Calurosa a acollida dos veciños costeiros a unha Guadi que xa nos contaba que “as letras galegas xa non son se non hai Festiletras”.

Era xa domingo das Letras, día especial para lembrar a Filgueira Valverde, e dar o último salto á piscina cultural do Couto. E empezaba polo Esteiro do Anllóns, e con quen mellor que co ornitólogo Xosé Luís Rabuñal Patiño, unha das figuras desta ciencia a nivel internacional, que tanto ama e difunde esta parte do noso litoral.
Paralelamente a exposición cultural na Fundación, a Lareira da Lectura e a feira de artesanía bulían cos cestos e outras artes.

Aparecía no escenario outra das máis importantes da canción galega, como é Uxía, co seu proxecto literario e musical María Fumaça, asinando libros e falando cos máis pequenos, antes de que o Cé Pantasma sacase a súa orquestra unipersoal, e de que os Xosé Touriñán e Marcos Pereiro puxesen o traxe das Cantareiras de Ardebullo para sacar os festisabores antes de xantar no cabazo da Fundación.

Pola tarde saíu o tren turístico polo roteiro pondaliano, co lema “Volvendo de lonxes terras” e pequenos e maiores non dubidaron en montarse. E xa, case de noite, o grupo folk Samarrúas, acompañadas polas pandereteiras de Adro de Baio, puxeron o broche de ouro a 8 días de vertixe cultural “senporsen” galega.

Ah, por certo, que nós tamén quixemos participar na campaña proposta polo blog viaxeiro Equipaxedeman, con ese hastag #AdeusTwitterAdeusFollowers.

Novas relacionadas

• #AdeusTwitterAdeusFollowers.
• Guadi Galego: “As letras galegas xa non son se non hai Festiletras”.
• Emotividade e risas para o comezo do #Festiletras2015.

Máis novas do Couto

• A Real Academia Galega chega por primeira vez á Costa da Morte para celebrar os 180 anos de Pondal.
• Os Bos e Xenerosos da Fundación Eduardo Pondal.
• Simposio 2014: A música e a literatura volve encher a Fundación Eduardo Pondal.
• Simposio 2014: Pondal une á cova céltica da literatura da Costa da Morte.
• De Pondal a Díaz Castro, polas verbas de Xurxo Souto e os solpores de Xulio Barreiro.
• O Batallón Literario da Costa da Morte revive na rede.
• A mocidade voluntaria do Couto levanta a man.
• 10-13: Do enorme traballo de canteira dende O Couto.
• O Couto refrenda a sintonía de Neira Vilas na Costa da Morte.
• A Aldea sostible do Couto salva ao rural mundial a base de cultura.
• A Fundación Fernando Blanco prepara un Mes de outubro de vertixe cultural.
• O Couto, un experimento universitario para salvar ás aldeas de todo o mundo.
• Que facermos para lles transmitirmos o galego ás xeracións máis novas?.
• A Fundación Eduardo Pondal é galardoada co V Premio Rosalía de Castro de Lingua e Cultura.
• Adrián Varela, da canteira do Couto: “Non cremos o suficiente na nosa zona”.
• Festiletras 2014: A Aldea das Letras abre os ollos a outros mundos para seguir facendo país.
• Festiletras 2013: As grandes actuacións encheron a Aldea do Couto de Letras.
• Festiletras 2012: Cheo tras cheo no espectacular Festiletras da aldea do Couto.
• Festiletras 2011: Hai canteira para a Festa das Letras do Couto.
• A mocidade que forma.
• Óscar de Souto: Esa amante secreta de Eduardo Pondal.

Fonte

• Redacción de QPC (info@quepasanacosta.gal).