Xoves. 09.07.2020
El tiempo

Emotividade e risas para o comezo do #Festiletras2015

Emotividade e risas para o comezo do #Festiletras2015
Comeza o FestiLetras no Couto 2015

Grandes nomes pasarán polo Couto ao longo desta semana no completo programa do Festiletras. Un programa que convirte á pequena #AldeadoCouto na #AldeadasLetras, a capital da cultura galega.

Arrincaba onte o programa e o facía con persoeiros de renome. Pola mañá era o escritor Víctor Freixanes o que facía o pregón e, da man do músico, Roi Casal, facían unha sentida ofrenda floral no monolito de Pondal ao son das gaitas e as pandeiretas da Fundación.

A lareira da Fundación enchía para escoitar as primeiras palabras. O propio Freixanes tomaba a palabra, esa vilipendiada que tanto cómpre coidar. Falou do homenaxeado este 201, Filgueira Valverde, pero a realidade é que falou máis dun home moi vencellado ao Couto como e Neira Vilas. Falou tamén unha das rapazas que mellor explica o éxito formativo alternativo da Asociación Monte Branco. Tamara Lema é unha dinamizadora vitalista, voluntaria na Fundación e na Asociación, que coida e ensina, que demostra que crecer rodeada de cultura fai máis puro o espírito. Outra das que pon a pel de galiña lendo, precisamente a Neira Vilas.

Roi Casal tamén defendeu a cultura pero coas súas mans e unha arpa que puxo a pel de galiña aos presentes.

A emoción tórnase risa

Cheo na Casa dos Vecinos para os monologos

E xa pola noita, cambiamos emotividade por risas. Cheo, coma sempre, na Casa dos Veciños para escoitar a 4 figuras. I é que poucos mellores hai polo país para contar historias. Nada menos que Xosé Touriñán e Marcos Pereiro, que deixaron os traxes das Cantareiras de Ardebullo na casa e compartiron o seu humor cos veciños da volta; ademais do mazaricán Federico Pérez Rey e Pepo Suevos. Unha boa tribu de amigos do audiovisual e do humor galego máis vangardista, que fixeron as risas de todos os que tiveron a ben disfrutar deste espectacular arranque da festa das letras máis fermosa do país.

O programa continúa

Ollo agora, que quedan 7 días sen parada. Hoxe luns, como toda a semana, roteiro pondaliano matutino para todo o que se achegue con Xabier Couto. O eterno contacontos Anxo Mouro trae o seu Carballo con botas. E pola tarde, outra das grandes figuras, o “Castelao do século XXI, Luís Davila, que todos coñecemos polas súas viñetas de O Bichero, pasará a asinar libros e contar como é a súa percepción da idiosincrasia galega.

Para rematar o luns, entre Lusco e Fusco e antes da Degustación gastronómica na Taberna Agra de mares, un pouco de regueifa dende o centro do país con Pinto d’Herbón e o Caruncho.

Máis información

Novas relacionadas

Fonte

comentarios