En maio coñeciamos a nova de que dous pontecesáns ían representar a España país no premio Nobel Junior de Agua e Sostibilidade. O proxecto de Esther Suárez e Diego Castro foi escollido pola Fundación Aquae para participar no “Stockholm Junior Water Prize 2022”.

Ata Suecia foron a semana pasada estes dous estudantes do IES Ponteceso e das Aulas Científicas Isidro Parga Pondal da Fundación Eduardo Pondal, para presentar o seu ”Nunca choveu que non escampara”, proxecto tecnolóxico enfocado á previr e paliar os efectos colaterais das inundacións.

Eran 36 as propostas presentadas de todo o planeta, e finalmente foi o proxecto da canadiense Annabelle M. Rayson o gañador do #SJWP.

”Foi unha experiencia incrible, con xentes de todas as culturas que te axuda moito a abrir a mente”, cóntanos Esther, que tivo que perder unha semana da escola de verán do Couto, onde é unha das marabillosas mestras, para participar nesta viaxe internacional. “Axuda a desengraxar o inglés, ademais”, recoñece despois de ter que expoñerlle o traballo ao xurado, e ter pasado noites de hotel con xentes de todo o mundo.

Novas relacionadas

• Agosto 22: “Estar na Escola de Verán do Couto é sentirte parte dun fío cada vez máis forte; fío de valorar o noso, fío de confraternidade e apoio”.
• Maio 22: Dous pontecesáns á final europea do Premio Nóbel de Auga Xuvenil co seu sistema de prevención contra as inundacións.