Os non adscritos lémbranlle ao alcalde de Ponteceso os quefaceres pendentes
Pasan os meses pero non se relaxa a tensión política en Ponteceso. O Pleno segue a ser unha ola a presión, e o goberno socialista en minoría segue sen poder sacar adiante proposta algunha. Así o comprobamos esta semana co repaso aos 16,5 millóns que a Deputación deixa este ano na Costa da Morte co gallo do Plan Único, dos que nin un céntimo serán para Ponteceso.
”A situación de Ponteceso é dunha gravidade máxima, e o Alcalde lonxe de querer solucionala, complicaa máis”, denuncian os concelleiros non adscritos noutro comunicado no que lamentan a eterna parálise municipal.
Os 5 edís ex socialistas e mais o concelleiro expulsado do PP reiteran que “o señor alcalde, só él é o responsable de que Ponteceso quedara sen o Plan Unico 2021”. E critican que levase ao pleno as súas propostas “sen ningún tipo de consenso nin reunión previa e o día anterior de que rematase o plazo, e nos posteriores plenos seguiu na mesma línea sen cambiar nin un punto da sua proposta”.
Denuncian ademais “o cambio de estratexia” do alcalde, que semella que agora tende a man a APIN e ao novo PP e “aos demais concelleiros quere ignorarnos coma se non existiramos”.
Ante esta situación, os 6 edís queren lembran que o grupo de goberno ten varias cousas pendentes, como a “auditoria externa das contas do Concello”. “Hai moitos proveedores sin cobrar incluso do ano 2015”, lembran).
Lembran tamén que ten que responder ante o pleno por que se perdeu a millonaria subvención do IDEA para renovar todo o alumeado público.
E ademais, denuncian a situación laboral dos profesionais do Servizo de Axuda no Fogar, que levan “en precario dende hai máis dun ano porque non quere afrontar a contratación do servizo”.
Os edís propuxeron tamén unha baixada de impostos, e piden que se faga política municipal doutro xeito: “Non ás chantaxes, non aos desprezos”.
NOVAS RELACIONADAS
- Setembro 21: Volven lamentar a falta de diálogo do alcalde de Ponteceso ante un novo pleno.
- 30-07-2021: A xustiza obriga ao alcalde de Ponteceso a contratar a auditoría externa das contas municipais que aprobou o pleno<./li>
- Xullo 21: Sindicatos e oposición denuncian vexacións do alcalde de Ponteceso contra a Policía Local.
- 13-07-21: Denuncian a carencia de servizos das praias con Bandeira Azul de Ponteceso.
- 12-07-21: O PP de Ponteceso tamén denuncia ante a Fiscalía as gravacións na alcaldía.
- Xuño 21: Protección Civil de Ponteceso pide axuda á Xunta para acabar con situación de ingobernabilidade.
- Xullo 21: A oposición pontecesá volve á carga contra un ausente alcalde.
- 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
- 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
- 26-10-2020: Marco Varela: “Vergonza”.
- 25-10- 2020: Chantaxe ou montaxe?.