Segue a Eduardo Pondal cumplindo anos da man da súa Fundación. Na xornada de onte, a entidade celebraba o 177º aniversario do bardo pontecesán, e o mesmo secretario xeral de Cultura, Anxo Lorenzo, acodía á cita, e comprobaba en primeira persoa a tremenda forza e incidencia no pobo das actividades da entidade costeira.

Medio centenar de cativos do CEIP Eduardo Pondal viaxaron no espazo-tempo ata o Centro Cultural. Alí esperáballes unha sesión de maxia e música, da man do acto Pepe Soto e da canteira máis prometedora da fundación: as fadas Alba, Sofía Araceli e Tamara.

A través destes persoeiros, e como da sempre presente Silvia Losada, os cativos puideron ir coñecendo os poemas do bardo. Foi tal a impresión que lles causaron os poemas aos meniños que ata lle prepararon un agasallo ao propio Pondal.

Novas relacionadas

• Miro Villar rebélase na charca da poesía para nenos.
• Ponteceso expón o Prestige.
• Os escolares tamén queren homenaxear en verso aos Faros da Costa da Morte.
• Aspaber e a Fundación Eduardo Pondal asinan un convenio coa Deputación.
• Diana Varela presentou o seu primeiro poemario dixital aos fillos de Pondal.

Fonte

• Redacción de QPC (info@quepasanacosta.gal).
• Nota de prensa da Xunta.