Martes. 19.11.2019
El tiempo

Os escolares tamén queren homenaxear en verso aos Faros da Costa da Morte

Os escolares tamén queren homenaxear en verso aos Faros da Costa da Morte

Teñen que esperar algo máis os Faros da Costa da Morte (abertos ou pechados?) para ver a súa homenaxe en verso. O Seminario de Estudos Comarcais da Costa da Morte vén de ampliar o prazo para a entrega de poemas no Certame de poesía sobre os Faros da Costa da Morte ata o 31 de xaneiro.
E o fai debido á solicitude por parte dos centros escolares non puideron promocionar esta iniciativa entre os seus alumnos e alunas debido ás vacacións do Nadal.

Así, escolares de toda a bisbarra poderán estrear a súas plumas de reis, para poñer en valor a riqueza paisaxística e turística que teñen estes sinais luminosos da nosa costa, e máis concretamente da Costa da Morte, é dicir aquela que abrangue dende as illas Sisargas ata o Monte Louro.

Xa saben que a razón da escolla dun certame de poesía é a de continuar o labor de grandes escritores galegos que se viron inspirados nestes senlleiros edificios, como foi o caso de Gonzalo López Abente, Xervasio Paz Lestón, Antón Zapata García ou Miro Villar.

A realización deste certame ten lugar grazas ao Proxecto Singular “Percorrendo Vieiros da Costa da Morte” aprobado pola Deputación da Coruña.

Máis información

Novas relacionadas

Novas relacionadas

Comentarios