Por se foran poucos os problemas políticos de Ponteceso, súmanse varias frontes laborais. Ademais da denuncia por “uso político” da Brigada de Obras por parte do CSIF, os voluntarios de Protección Civil tamén saltaron á voz pública para denunciar as actictudes do alcalde. Hoxe é a Unión Sindical Obreira (USO) a que pide “a revisión de oficio do proceso selectivo que terminou co nomeamento de E. C. Q., como Técnico Superior de Administración Xeral - Coordinador Xeral, praza incluída na Oferta de Emprego Público para 2018.

O sindicato entende que “as bases son nulas de pleno dereito porque incurren en irregularidades manifestas por dous motivos: a convocatoria fíxose no DOG e non no BOE, polo que se infrinxe a normativa básica; e a provisión mediante promoción interna, sen ter dous de antiguidade que establece a normativa”.

Neste caso, a USO solicita “a revisión de oficio do acto, a suspensión do nomeamento como Técnico Superior de Administración Xeral - Coordinador Xeral e a suspensión do acordo ou acordos correspondentes aos actos que sexan dictados posteriormente, por canto a prolongación desa situación manifiestamente ilegal puidese conllevar responsabilidades de carácter administrativo, penal e ata de índole contable”.

Novas relacionadas

• Maio 21: Ponteceso, a corporación que pide diálogo pero non se fala .
• Xaneiro 21: Denuncian o uso político da Brigada de Obras de Ponteceso.
• Decembro 2020: Os voluntarios de Protección Civil de Ponteceso lamentan “as decisións unilaterais e vingativas do alcalde”.
• Xullo 20: O CSIF denuncia que o alcalde de Ponteceso quitoulle dous vehículos ao GES.