A aparición, para quedar, da 5ª fracción do lixo, supón unha boa oportunidade industrial. E parece que xa hai os primeiros movementos. Onte tivo lugar unha xuntanza entre o Concello de Ponteceso e Sogama, para analizar a posible mellora da planta de transferencia de residuos sólidos urbanos situada no polígono de Tella.

Unha obra que implicaría un investimento estratéxico para a optimización da xestión ecolóxica dos residuos de máis de 800.000 euros, que provocaría que se deixase de considerar unha microplanta para pasar a ser unha planta de transferencia de residuos como tal. A planta en si mesma veríase ampliada en máis dun terzo da súa superficie actual, permitindo que toneladas e toneladas de residuos (orgánicos e plásticos) non teñan que ser trasladadas ata a planta de Cerceda.

A obra incide directamente tamén nos concellos de Malpica, Cabana e Laxe, usuarios da mesma.

Dende Ponteceso aseguran que pronto tocará, segundo a obriga da normativa europea seguir os pasos da Laracha e Carballo co colector marrón, concellos pioneiros en Galicia. Os concellos próximos que introduzan o contedor marrón poderán baleirar en Tella tamén, sen ter que ir a Cerceda.

Novas relacionadas

• A recollida selectiva da 5ª fracción, unha oportunidade industrial.
• Agosto 2020: As 1.000 familias de Carballo xa superan a reciclaxe de 11.100 quilos na quinta fracción.
• Xullo 2020: A Laracha espalla o colector marrón da quinta fracción.
• Maio 2020: A recollida selectiva da quinta fracción orgánica segue funcionando na Laracha e Carballo.
• Febreiro 2020: 400 familias e 41 empresas xa son usuarias do servizo de colector marrón de residuos orgánicos de Laracha.
• Febreiro 20: 1.200 laracheses dan uso ao Punto Limpo do Formigueiro.
• Xaneiro 20: A Laracha, xunto con Carballo, concellos pioneiros na implantación do colector marrón.