Excarceran unha persoa tras un accidende en Santa Comba
09:27 27/04/22
Eran as 14:15 da tarde de onte cando se rexistraba unha colisión na Avenida de Santiago, en Santa Comba. Acodían á chamada do 112 os Bombeiros de Santa Comba, os profesionais de Urxencias Sanitarias de Galicia-061, os axentes da Policía Local e os efectivos do servizo local de Protección Civil.
Dúas persoas estaban feridas e unha estaba atrapada no interior, e os Bombeiros tiveron que retirar os asentos do turismo e excarcerar á persoa polo maleteiro.
Unha vez fóra do coche puido recibir a asistencia médica necesaria e mesmo ser evacuado ao centro hospitalario de referencia xunto con outra persoa máis ferida neste sinistro.