Xoves. 23.09.2021
El tiempo

Maripepa, a avoa de Santa Comba, cumpre 107 anos

Maripepa do Rieiro cumple 107 en Santa Comba
Maripepa, a avoa de Santa Comba, cumpre 107 anos

Xa a vimos cantar lembrando vellas historias no documental “Xalleiras de Varilongo”, pero aínda non cumplira 107 anos. Fíxoos onte María Josefa Espasandín Caamaño (10-05-1914), máis coñecida como “Maripepa de Rieiro” coa súa familia en Rieiro, Arantón.

Maripepa é a máis lonxeva de Santa Comba, e pode ser unha das máis maiores da comarca, a pesar do cal aínda conserva unha saúde e actividade envexable. Non deixa de compartir experiencias e cariño coa familia e a veciñanza.

Se na comarca temos uns cantos centenarios, en Galicia, a persoa máis lonxeva é a ourensá Asunción Rodríguez, que ten 108 anos. Con 107 anos Asunción García superou o covid en Vigo. O 7 de maio de 1914, uns días antes que Maripepa, naceu tamén Paquita Salgueiro, unha muller da Coruña que vén de superar o coronavirus.

O ano pasado falecían Ana Vela, amuller máis lonxeva de España e de Europa aos seus 116 anos (Córdoba). Tamén o facía o pasado mes de novembro Josefina Villaverde, a máis lonxeva de Galicia, con 110 anos (Cuntis, Pontevedra).

Ademáis de superar 2 pandemias, a "Avoa de Santa Comba" lembra a dura e aventureira vida da Guerra, dos tempos da mina e outras experiencias vitais.

Novas sobre centenarios da Costa

comentarios