O Retiro da Costiña celebra 85 anos cunha serie de accións solidarias de alta cociña
Aló por 1939, Secundino e Leonor fundabann un restaurante a un quilómetro do centro de Santa Comba. Fai 85 anos daquela aventura que foi traspasando a paixón pola cociña de xeración en xeración, e o Restaurante Retiro da Costiña quere celebralo ao grande. Cunha Estrela Michelín e dous Soles Repsol, é un dos destinos gastronómicos máis exclusivos que ofrece Galicia, que serve de auténtico polo de atracción para a comarca do Xallas.
Ao longo destes meses vai celebrar unha serie de eventos con amigos ches con Estrellas e Soles, e coas melloras casas de viños da península. Unhas actividades que contarán cun fondo solidario: a recadación irá en beneficio de ACEM, a Asociación Compostela de Parkinson e Esclerose Múltiple.
Un firmamento de estrelas
A primeira cita será o vindeiro 14 de marzo, cunha aliñación de Champions. De Murcia chega Pablo González (2 Estrelas Michelín e 3 Soles Repsol), do restaurante La Cabaña Buenavista, que cociñará co galego Pepe Vieira (2 Estrelas Michelín, 1 Estrela Verde, 2 Soles Repsol) e co anfitrión Manuel Costiña (1 Estrela Michelin, 2 Soles Repsol). Será o 14 de marzo cun menú que se abrirá cunha copa de champán da Maison Taittinger e que estará composto por seis aperitivos que se servirán na trastienda do restaurante; sete pratos no comedor (entre eles Zarangollo e Alcachofa estilo murciano de Pablo González ou La madre del vino e Langosta á tabla de Pepe Vieira), e que pecharán cunha selección de queixos galegos e tres sobremesas. Todo iso irá acompañado dos viños da Adega Marqués de Riscal que Francisco Hurtado de Amézaga seleccionou para esta ocasión especial. Será unha selección de anadas antigas de viño Marqués de Riscal 1964, 1956, 1954, 1948, 1947 e Barón de Chirel Blanco 2015, 2017, 2019. A sobremsa estará harmonizada polos whiskies The Macallan.
As seguintes citas terán lugar os días 11 de abril, 15 de maio, 11 de xuño, 12 de setembro, outubro (data por concretar), 7 de novembro e 12 de decembro. Participarán Paulo Airaudo (2 Estrelas Michelin, 2 Soles Guía Repsol), Paolo Casagrande (3 Estrelas Michelin, 3 Soles Repsol), Iván Cerdeño (2 Estrelas Michelin, 3 Soles Repsol), Rafael Centeno (1 estrela, 2 Soles Repsol), Miguel Cobo (1 Estrela Michelin, 1 Sol Repsol), Yayo Daporta (1 Estrela Michelin, 2 Soles Repsol), Ramón Freixa (2 Estrelas Michelin, 2 Soles Repsol), Jordi Juncà (1 Estrela Michelin, 2 Soles Repsol), Luis Alberto Lera (1 Estrela, 1 Estrela Verde, 2 Soles Repsol), Nacho Manzano (2 Estrelas Michelin, 1 Estrela Verde, 3 Soles Repsol), Rui Paula (2 Estrelas Michelin), Xavier Pellicer (1 Estrela Michelin, 2 Repsol). Soles) Paco Roncero (2 Estrelas Michelin, 3 Soles Repsol), entre outros.
O prezo por cuberto é de 300 € e as reservas realízanse no teléfono 981880244 (Horario: de 11:00 a 13:30 horas; de 17:00 a 20:00 horas) ou enviando un correo electrónico a: [email protected].
Tamén hai unha Fila 0 para facer doazóns directas a ACEM (IBAM ES66 2100 2186 9502 0011 6714).
O menú COSTIÑA85, a homenaxe a Manuel Costiña
Nos últimos meses Manuel Costiña foi afondando nos recordos culinarios da familia e mantendo longas conversas cos seus pais, Chucho e Pastora para destilar a filosofía básica que dá vida á nova carta do restaurante. A idea era clara: seleccionar os pratos emblemáticos que elaboraron os seus avós e pais e levalos a unha nova dimensión gastronómica, actualizándoos e dándolles o seu toque persoal.
Froito deste traballo nace COSTIÑA85, a carta formada por 16 pratos que os clientes xa poden degustar no restaurante. Como é habitual, comeza na trastenda, a zona aberta ao público e onde se sitúan as entrañas da casa. Alí poderás gozar da Tartaleta de caviar Royal Amur-Beluga e emulsión de troita do río Xallas, polbo de roca de Lira no seu xugo, steak de tartar de vaca cachena madurado en auga marina, ou anchoa de Santoña, e aceite morno que xa servían os seus avós. Continúa cun guiso de ás e callos de bacallau sobre pan de cristal e a Filloa á pedra, cacheira, grelos e pementón.
Xa no comedor chegan os callos da feira, “Chicharos” da avoa Leonor, vieira curada e braseada, salsa de mariñeira e caviar Osetra, un salpicón de cigala, Caldeirada de peixe e Mamiña e pataca de Coristanco. Despois da Selección de queixos galegos poderás gozar dunha Caipiroska e de dúas sobremesas emblemáticas: Milenium e Whisky Cake. Todo isto acompañado de pans caseiros con trigo e centeo autóctonos, con manteiga artesá local e aceite de oliva virxe extra galego elaborado coas variedades Mansa e Brava.
E xa no Salón de Sobremsa non faltarán o Costiña Chocolat, Delicia de Améndoa e Laranxa Confitada, e a Gominola de mandarin e cilantro. Desde 140€ por persoa.
