Non se dan librado Santa Comba e Coristanco das empresas mineiras. Hoxe volveu a empresa sueca Eurobattery Minerals AB realizar sondeos na Braña da Serra, xusto no límite entre os dous Concellos afectados. E como denuncian entidades medioambientais como Petón do Lobo, están facéndoo sen permiso. De feito, confírmannos dende o Concello de Santa Comba que non solicitaron permiso municipal, e que “na Dirección Xeral de Minas tampouco lles constaban” estes sondeos. De feito, nin empresas que traballan na zona como Rafaella Resources ou Galicia Tin and Tungsten tiñan constancia da chegada da firma sueca, qeu que anunciaba así que retoma o chamado proxecto Corcel, para dar un impulso na bolsa.

Segundo os colectivos, os traballos da empresa, que volve intentalo despois da polémica xurdida o ano pasado, estanse realizando “sen plan de restauración ou estudo de impacto ambiental”

Os colectivos demandan “a paralización inmediata dos sondeos polo risco de danos irreparables sobre ecosistemas vulnerables de alto valor ecolóxico”, coñecida como Braña da Serra, situada etre os lugares de O Sisto, Os Matos e Boaña, na parroquia de Castriz (Santa Comba), e As Salgueiras, xa no concello de Coristanco.

O ano pasado xa pediron que se iniciase o expediente de protección ambiental para catalogar a zona como ENIL (espazo natural de interés local) ou EPIN (espazo privado de interés natural).

O que si sabemos é que a Policía Local de Santa Comba elaborará un informe e mañá haberá visita de Persoal da Xunta.

A voz da veciñanza

Dende a Plataforma BerXallas, o que implica a voz da veciñanza, "opoñémonos a minaría a ceo aberto tanto en Varilongo como na Braña da Serra. Que se estea expoliando os nosos recursos, e contaminando os acuíferos, é inaudito", denuncian, ao tempo que avisan de "mobilizacións para parar esta ultraxe".

Solicitan ademais que a nova alcadesa se posicione neste asunto,

Novas relacionadas

• Marzo 2021: Colectivos ecoloxistas denuncian que as augas da mina de Varilongo levan metais pesados.
• Febreiro 2021: Propoñen declarar a Braña de Castriz como ENIL para protexer a fervenza e o patrimonio arqueolóxico de eólicos e eucaliptais.
• Novembro 2020: Realizan analíticas das augas da mina de Varilongo trala denuncia de asociacións ambientais.
• Novembro 2020: A minaría, real, faise oco en Varilongo.
• Outubro 2020: Na Xunta non consta ningún proxecto de Eurobattery en Castriz.
• Outubro 2020: ”É totalmente falso que Euro Battery poida explotar níquel, cobre e cobalto na Braña de Castriz”.
• Outubro 2020: Concello e Asociacións preguntan sobre as posibles catas mineiras “ilegais” do “proxecto Corcel” en Castriz.
• Xullo 2019: Santa Comba creará un Museo da Minaría.
• 2016: As minas de Barilongo de Santa Comba, un escenario de película.