Non son do agrado de ninguén as ordes de demolición sobre vivendas particulares. E por Vimianzo, a orde de de derrubo dunha casa en Bamiro provocou a convocatoria da Xunra de Portavoces. Onte, portavoces do Grupo Adiante Vimianzo, Grupo IxV e PSOE, a secretaria, a interventora e a arquitecta municipais, analizaron conxuntamente a situación cos expedientes municipais. E concluíron que hai que solicitar un informe á Deputación así como solicitar unha reunión coa Axencia de Protección da Legalidade Urbanística (APLU).

A situación vén de lonxe pois a licenza, en solo rústico, concedeuse sendo alcalde Alejandro Rodríguez Lema, concelleiro de obras Manuel Rodríguez Blanco, actual concelleiro por Terra Galega e arquitecto municipal Julio Vázquez, que actualmente está expedientado.

Novas relacionadas

• Febreiro 2017: A APLU realizou 9 derrubamentos dende comezos de 2016.
• Decembro 2015: A APLU realizou 33 derrubamentos na Costa da Morte en 4 anos.
• Feísmos: Conclusións a ritmo de pasodobre.

Fonte

• Redacción de QPC ([email protected]).