Responsables do Conviviun Galicia da Slow Food Galicia escolleron o Vimianzo para celebrar unha xuntanza, na que deseñaron as actividades a desenvolver nos vindeiros meses. O encontro fixérono no marco do ‘Vimianzo Gastronómico. Comparte Outono, proposta gastronómica cao que colabora este movemento. Tras a reunión, os participantes degustaron un menú do devandito programa nun restaurante vimiancés, aó que se sumou tamén o alcalde da localidade, Manuel Antelo.

Citas slow

Dentro das actividades a desenvolver, o vindeiro mes levarán a cabo un encontro gastronómico na localidade carnotana de Lira, con motivo da celebración do Terra Madre Day, e que será a base de productos ecolóxicos.

Para o vindeiro mes de marzo organizarán unha xornada no concello de Bueu, coincidindo con Festa do Millo Corvo, que organiza a asociación cultural Meiro.

Xa para o vindeiro verán proxectan desenvolver unhas xornadas en varias vilas da Costa da Morte, nas que se complemetarán gastronomía e territorio, combinando degustacións de productos con roteiros de sendeirismo.

Arca do Gusto

O Convivium Galicia traballa tamén na inclusión de máis produtos no catálogo Arca do Gusto. A comisión nacional española celebrarase o vindeiro día 17 de decembro, polo que os productos que opten a este recoñecemento deberán presentar a súa ficha con anterioridade. O paso seguinte sería a consecucuión de restaurantes Km. 0, establecementos que deberán ter nas súas cartas alomenos cinco productos Slow.

Novas relacionadas

• Un outono sabroso en Vimianzo.
• O Porco Celta loita contra o fraude da man da Slow Food.
• Un grupo de austríacos coñecen a auténtica Costa da Morte.

Máis novas gastronómicas

• A Pataca Fina de Carballo vaise cocendo a lume lento.
• A Raínha Lupa revive cun Mercado Ecolóxico en Quilmas.
• 500 cogumelos máis nun novo libro micolóxico con semente da Costa.
• Achegando o sabor do mar ao interior.
• Entrevista con Manuel Gago: “O litoral da Costa ten propiedades hipnóticas”.
• A denominación de orixe da Costa da Morte triunfa no Forum Gastronomic de Girona.
• O Proxecto Berberecho, unha aposta pola diferenciación.
• Presentación do Convivium Galicia da Slow Food: A Costa comeza a “xantar de vagar”.

Fonte

• Nota de prensa da Slow Food Galicia.