Venres. 29.03.2024
El tiempo

Alejandro Rodríguez non aceptará a súa acta de concelleiro en Vimianzo

Alejandro Rodríguez non aceptará a súa acta de concelleiro en Vimianzo

Un dos políticos máis lonxevos da Costa da Morte aparcará a súa representación na corporación municipal. Alejandro Rodríguez, ex alcalde de Vimianzo, non aceptará a súa praza de concelleiro como cabeza de lista de Independientes por Vimianzo, o novo partido que vén de crear tras máis de 20 anos de goberno socialista. Pero IxVimianzo non deixará, nin moito menos, de participar na vida política municipal. A estrutura está montada e segue en marcha

Deste xeito, Alejandro Rodríguez Lema xa ten a decisión tomada de non tomar a acta de concelleiro, pero seguirá pertencendo ao partido. Mónica Rodríguez Ordóñez, Manuel Soto Pérez "Padronés", e Mª. do Carmen Hermida serán os 3 edís do partido independiente para "representar o pobo de Vimianzo o mellor que saibamos".

Continúan os movementos

Con todo, e malia que parece que o pacto entre BNG e PSOE está practicamente pechado, continúa habendo movementos. Dende IxVim aseguran que teñen recibido chamadas para sentarse a falar, pero confirman que "en ningún caso temos intención de optar á alcaldía". Dende o partido independente apunta que "o normal sería que se leve adiante o pacto entre BNG e PSOE".

Novas relacionadas

Máis información

Fonte

Comentarios