Carnés prepárase para a finde verbeneira e tradicional máis apaixoante do verán co San Cristovo e a Faghía
O programa verbeneiro máis espectacular do verán na Costa da Morte está por chegar nunha destas festas que teñen doble vertente: a festeixeira e a gastro-tradicional.
Este sábado 8 de xullo empeza a Festas de San Cristovo de Carnés, traendo á pequena parroquia vimiancesa de apenas 500 habitantes as 3 orquestras máis seguidas do país.
O domingo 9 estará El Combo Dominicano, o luns 10 a Panorama, e o martes 11 a París de Noia, pero é que ademais o sábado 8 teremos a visita de Andy & Lucas.
Os 5 días de festa traen moito máis, como a bendición de vehículos na sesión vermú do sábado; os fogos de artificio da noite do luns, e sobre todo, a festa gastronómica máis lonxeva da Costa da Morte. Falamos da Festa da Faghía, unha das poucas Festas de Interese Turístico Nacional da Costa da Morte. Con máis de 400 anos de historia a comisión xa prepara os 2.000 kg de callos para repartir ao longo do domingo 9 de xullo, no que o campo da Cerca volverá quedar pequeno.
