O alumnado do obradoiro de emprego "Camiño ao emprego", promovido polos Concellos de Vimianzo, Camariñas e Muxía, realizou a petición do Concello de Vimianzo, varios elementos en madeira co escudo da Administración local para a celebración de actos no Castelo, lugar emblemático do municipio.

Este grupo de persoas atópase na actualidade realizando a súa formación, pagada, en Vimianzo, e tras realizar tarefas de adecuación e plantación de novas xardineiras na contorna da Casa da Cultura, esta é unha das súas novas aportacións.