O Concello de Vimianzo celebrará o vindeiro 12 de agosto o seu particular ‘Día do Neno’, no que os máis pequenos e pequenas do municipio son os grandes protagonistas. As actividades, que se desenvolverán de 17:00 a 21:00 horas na praza do Concello, son o peche ás festas da localidade.

Así, a rapazada poderá gozar de múltiples actividades para todos os gustos. Durante estas catro horas divertirse con inchábeis, tanto en seco como de auga, e cunha gran festa da escuma. Non faltará a animación musical, que correrá a cargo de DJ Rokiño.
Un día pensado para que os máis pequenos e pequenas tamén poidan gozar destas celebracións, vivindo un momento especial para compartir coas súas amizades e familias.