Continúa a xira de presentacións de Costa do Solpor, a novela de Xosé María Lema. Unha xira que chega precisamente hoxe a Baio, na inauguración da Semana Cultural do IES Maximino Romero de Lema. E unha xira que estivo o pasado sábado en Vimianzo. Arroupado polos seus compañeiros do Seminario de Estudos Comarcais, Lema Suárez fondeu o seu barco cheo de corsarios para presentarlle a súa primeira novela aos soneiráns.

Lema Suárez explicou como foi o longo proceso de creación tralas "magníficas intervencións das presentadoras, Chus Barbeira e Concha Blanco, e da emoción do recital do poeta Alexandre Nerium", como nos conta o propio Manuel Bragado, da Ediorial Xerais.

Novas relacionadas

• Lema Suárez estréase coa súa primeira novela de piratas “Costa do Solpor”.

Artigos de Xosé María Lema Suárez

• O dramaturgo Roberto Vidal Bolaño e a súa infancia en Baio.

Fonte

• Redacción de QPC (info@quepasanacosta.gal).