Estamos a bo ritmo, pero electoral, reflexionan moitos veciños estes días ao escoitar á Conselleira de Medio Ambiente, Territorio e Infraestruturas, falar da Autovía Costa da Morte. I é que dicir que as “obras levan un bo ritmo de traballo” parece máis unha burla que unha declaración institucional despois de levar, xa a día de hoxe 2 anos de retraso sobre as promesas iniciais de posta en funcionamento (estaba prevista para 2013). Un “bo ritmo” que permitirán estrear o treito norte en 2016.

En todo caso, as obras, en Coristanco, recibían unha visita institucional, ou máis ben partidista, pois só vimos membros do PP acompañando á Ethel Vázquez, e ningún alcalde da oposición.

Durante a visita deixaron, en todo caso, algún dato importante, como que na actualidade preto de 160 persoas e máis de 80 máquinas traballan nas obras, que se atopan ao 20% da súa execución. A infraestrutura, permitirá aforros de tempo de 25 minutos e evitar máis de 7 quilómetros de travesías.

Unha cousa si que nos sorprende, pois por primeira vez dende que anunciaban a modificación do contrato, que supuña a anulación do treito Sur, a Xunta refírese precisamente a ese treito entre Baio e Cee: “Recordou que o Goberno galego decidiu priorizar e centrar os esforzos na construción do treito I desta infraestrutura, entre Carballo e Baio, por ser o tramo que rexistra un maior volume de tráficos e o treito con maior lonxitude, 27 quilómetros, o que se traduce nun 60% do percorrido”.

Parcheando portos

E tamén recibía visita institucional Camariñas. e o facía o presidente de Portos de Galicia para anunciar que están rematar as obras de pavimentación da explanada portuaria de Camariñas. O ente público ultimará nos vindeiros días os traballos desenvolvidos ao longo deste último mes e que permitiron devolver ao peirao a súa accesibilidade de cara ao tráfico rodado.

En concreto, as obras que se están a ultimar consisten na repavimentación de toda a explanada portuaria na que se rexistraban desperfectos, furados e problemas de gravas soltas. Con esta finalidade, rebacheáronse todos os socavóns previamente ao repavimentado, de modo que quedou fixada e selada toda a superficie.

Novas da Autovía

• 16-03-15: Unha electoral e reivindicativa inauguración da tan necesaria Casa da Cultura de Cee.
• 16-03-15: Que pasa cas obras da Autovía feitas en Vimianzo?.
• 22-12-14: O BNG pide que a Autovía chegue a Cee.
• 09-12-15: As máquinas volven traballar na Autovía Costa da Morte case dous anos despois.
• 27-11-14: Que relación ten a trama Gürtel ca Autovía Costa da Morte?.
• 20-11-14: O BNG denuncia o sobrecuste e o PP repítese as súas promesas sobre a Autovía.
• 12-11-14: A Xustiza xulgará a legalidade da modificación do contrato da Autovía Costa da Morte.
• 06-11-14: É legal o proceder da Xunta coa Autovía Costa da Morte?.
• 23-10-14: O treito norte da Autovía e o dragado de Laxe, nos Orzamentos 2015.
• 21-10-14: O novo contrato da Autovía supón a anulación do treito sur.
• 16-10-14: As obras da Autovía non comezarán ata finais de 2014 e rematarán en outrubro de 2016.
• 29-09-14: Feijoo ratifica na súa visita a Camariñas que as obras da autovía se retomarán de forma inmediata.
• 24-09-14: O PP autoesíxese só o treito norte da Autovía.
• 01-09-14: Segunda marcha reivindicativa pola escombreira da Autovía Costa da Morte (e moitas máis…).

Fonte

• Redacción de QPC ([email protected]).